News
Լրահոս
News
Ուրբաթ
Մարտ 29
Տեսնել լրահոսը

Պաշտպանության նախկին փոխնախարար Արտակ Զաքարյանը հավանական է համարում Արցախի հիմնահարցում երկրի իշխանությունների վրա ճնշման գործադրումը:

Նոյեմբերի 19-ին կայացած մամուլի ասուլիսում Զաքարյանը հիշեցրեց ԱՄՆ նախագահի խորհրդական Ջոն Բոլթոնի վերջերս արած հայտարարությունները ղարաբաղյան հակամարտության կարգավորման առումով նոր իշխանությունների հեղինակության հետ կապված ակնկալիքների մասին: «Ստեղծված պայմաններում դժվար չէ եզրակացնել, որ որոշ ուժերի համար մեծ է հիմնահարցի լուծմանը ճնշման միջոցով հասնելու գայթակղությունը»,- նշեց Զաքարյանը՝ հավելելով, որ Հարավային Կովկասը շուտով կդառնա Իրանի շուրջ տեղի ունեցող իրադարձությունների ռազմավարական ասպարեզ, քաղաքական իրադարձությունները շարունակվում են նաեւ Մերձավոր Արեւելքում: «Հարկավոր է դրան պատրաստ լինել եւ ներգործության փորձեր թույլ չտալ»,- շեշտեց Զաքարյանը: Նա այս համատեքստում անհրաժեշտ է համարում արհեստական քաղաքական իրավիճակից դուրս գալը, հստակ գնահատելը, սթափ ընտրություն կատարելը: «Գոչյուններով եւ թմբուկներով ընտրությունների գնալը սխալ է: Հարկավոր է մտածել: Մենք ո՛չ Մադագասկարն ենք, ո՛չ Ֆինլանդիան, մեր շուրջը սպառնալիքները չափից ավելի շատ են: Չի կարելի նման լուրջ հարցերը վստահել փորձ չունեցող մարդկանց: Չէ՞ որ դուք չեք նստի անփորձ վարորդի տաքսին, նույնսիկ եթե նա գեղեցիկ է ու լավը»,- նշեց Զաքարյանը:

Ի պատասխան այն նենգ հարցին, թե նախկին իշխանություններն էլ են համաձայնվել բանակցություններ վարել, որոնք տարածքային զիջումներ են նախատեսել, Զաքարյանը հարցի տոնին համահունչ շարունակեց. «եւ հմտորեն խուսափել ենք ցանկացած ճնշումից ու հակասությունների մեջ ներքաշվելուց: Քաղաքականությունը կառուցվել է շահերի համադրման, այլ ոչ թե բախումների վրա»: Անվտանգության գոտին կա եւ ամրապնդվել է, եւ տա Աստված, որ նոր իշխանությունները նույն կերպ շարունակեն: Նախորդ իշխանությունները համաձայել էին Մադրիդյան սկզբունքներով բանակցություններ վարել, բայց կարեւոր է, որ գերակշռել է՝ քանի դեռ ամեն ինչ համաձայնեցված չէ, ոչինչ համաձայնեցված չէ սկզբունքը: Երբ Ալիեւը հայտարարի, որ ճանաչում է Արցախի ժողովրդի ինքնորոշման իրավունքը, մենք պատրաստ ենք այլ հարցեր էլ քննարկել: Ոչ ոք չի համաձայնվի ինչ-որ բան տալ, հետո քննարկել: Սա անհեթեթություն է»,- հայտարարեց Զաքարյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Երեւանում տեղի կունենա Ադրբեջանում հայերի ցեղասպանության զոհերի հիշատակի միջոցառում
Փետրվարի 28-ին Ծիծեռնակաբերդում տեղի կունենա հիշատակի միջոցառում...
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Ամենաշատ