News
Լրահոս
News
Հինգշաբթի
Օգոստոս 22
USD
475.94
EUR
528.1
RUB
7.2
ME-USD
0.13
Տեսնել լրահոսը


ՀԱՊԿ-ում իրավիճակը օրինակ է, թե ինչպես սխալ գործողությունների պատճառով կարելի է թուլացնել դիրքերը: Այս մասին նոյեմբերի 19-ին ասուլիսում ասաց Հայաստանի պաշտպանության նախկին փոխնախարար Արտակ Զաքարյանը՝ մեկնաբանելով Երեւանի եւ Մինսկի հայտարարությունների փոխանակումը, Բելառուսի եւ Ղազախստանի նախագահների հայտարարությունները:

Զաքարյանը նշեց, որ նախկինում Հայաստանի դիրքերը ուժեղ էին եւ դրան հնարավոր էր լինում հասնել կուլիսների հետեւում իրականացվող դիվանագիտական աշխատանքի շնորհիվ:

ՀԱՊԿ-ն, տարակարծություններ ունենալով,  միշտ մեկ դիրքից էր ելույթ ունենում: Ներկայիս իրավիճակը հղի է բացասական հետեւանքներով ինչպես երկկողմ հարաբերություններում, այնպես էլ ԱՊՀ, ԵՏՄ, ՄԱԿ շրջանակներում:

«Դրանք արտաքին քաղաքականության նրբություններ են, որոնք պետք է հաշվի առնել», - հիշեցրեց Զաքարյանը:

Մինսկի հայտարարությունները նա անթույլատրելի անվանեց եւ հավելեց, որ Հայաստանը պետք է այնպես անի, որ  ներողություն խնդրեն կամ վերանայեն մոտեցումները:

«Հայաստանը պետք է հնարավորություն ունենա մինչեւ ժամկետի ավարտը գլխավոր քարտուղարի պաշտոնում մնալ:

Բայց միաժամանակ ես կարծում եմ, որ մեր կողմից հարցը սխալ է անցկացվել: Հուսով եմ, որ իշխանությունները դասեր կքաղեն», - ասաց Զաքարյանը՝ հավելելով, որ արտաքին քաղաքականությունը, Հայաստանի ներսում արվող հայտարարությունները չեն, դա նշանակում է շատ աշխատել եւ քիչ խոսել:

Պատասխանելով Բելառուսի նախագահի եւ Ադրբեջանի դեսպանի հանդիպման մասին հարցին, Զաքարյանը նշեց, որ ոչ մի լավ բան էլ չկա: «Բայց մեզ համար գաղտնիք չեն  Բելառուսի եւ Ղազախստանի լավ հարաբերությունները Ադրբեջանի հետ: Եվ այդ քաղաքականությունը պետք էր դա հաշվի առնելով իրականացնել: Գլխավոր քարտուղարի հարցում անթույլատրելի շտապողականություն դրսեւորվեց: Մենք շատ ջանքեր էինք գործադրել նշանակման համար: Խաչատուրովը հարգանք էր վայելում  ու արդյունավետ աշխատում էր: Իսկ այժմ այնպիսի իրավիճակ է, երբ արտաքին գործերի նախարարության եւ պաշտպանության նախարարության աշխատանքի արդյունավետությունը ՀԱՊԿ-ում կդառնա ավելի բարդ», - եզրափակեց Արտակ Զաքարյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՊՆ-ում ՀՀ ԶՈՒ–ի, ՀԱՊԿ միացյալ շտաբի եւ ՌԴ պաշտպանության ղեկավարման ազգային կենտրոնի միջեւ քննարկումներ կանցկացվեն
Այս մասին հայտնում են ՀՀ ՊՆ մամուլի ծառայությունից...
Երեւանում տեղի է ունեցել Հայաստանի եւ Ռուսաստանի անվտանգության խորհուրդների քարտուղարների հանդիպումը
Քննարկվել է նաեւ երրորդ երկրներին զենքի վաճառքի կանոնակարգման հարցը...
ՆԱՏՕ-ի գլխավոր քարտուղարը հայտնել է, որ դաշինքը ՀԱՊԿ-ից սպառնալիք չի տեսնում
Մասամբ այն պատճառով, որ դա այնքան էլ ուժեղ կազմակերպություն չէ…
Պուտինը վավերացրել է ՀԱՊԿ կանոնադրությունը փոփոխող արձանագրությունները
Արձանագրություններից մեկը ստորագրվել է Ռուսաստանի, Հայաստանի, Բելառուսի, Ղազախստանի, Ղրղզստանի եւ Տաջիկստանի կողմից Աստանայում 2018թ. նոյեմբերի 8-ին ...
Պետդուման վավերացրել է ՀԱՊԿ կանոնադրությունը փոխող մի շարք արձանագրություններ
Պետդուման վավերացրել է Երկրորդ եւ Երրորդ արձանագրությունները...
ՀԱՊԿ գլխավոր քարտուղարի պաշտոնակատարը կոչ է արել ՄԱԿ հովանու ներքո ստեղծել վարքի նորմեր տեղեկատվական դաշտում
ՀԱՊԿ-ն անհրաժեշտ է համարում վարքի նորմերի ստեղծումը ՄԱԿ հովանու ներքո...