News
Լրահոս
News
Կիրակի
Մայիս 19
Տեսնել լրահոսը

Կառավարության նիստում, այսօր՝ նոյեմբերի 19-ին, ֆինանսների նախարարի պաշտոնակատար Ատոմ Ջանջուղազյանն առաջարկեց օրակարգում ներառել նաեւ արտաբյուջեների վերացման հարցը, որը ամեն անգամ հասնում է կառավարություն եւ ամեն անգամ հետաձգվում է, քանի որ գերատեսչությունները չեն ցանկանում հրաժարվել իրենց ունեցած արտաբյուջեներից:

Ջանջուղազյանը հայտարարեց, որ Ֆինանսների նախարարությունը հրաժարվել է իր ունեցած արտաբյուջեից եւ առանձնապես դրանից իրենց աշխատանքը չի տուժել:

Փոխվարչապետ Տիգրան Ավինյանը դեմ արտահայտվեց հարցն օրակարգում ներառելուն՝ նշելով, որ այն բավարար չափով քննարկված չէ, որ կոմիտեի նիստում բացասական եզրակացության է արժանացել:

Կառավարության նիստը վարող առաջին փոխվարչապետ Արարատ Միրզոյանն ասաց. «Վստահաբար պետք է գնանք արտաբյուջեների վերացման ճանապարհով: Ափսոս, որ այս հարցը խորությամբ չի քննարկվել եւ նախարարությունները երեւի թե գնում են իներցիայով՝ նեղ գերատեսչական շահերը պաշտպանելու ճանապարհով»:

Մյուս փոխվարչապետ Մհեր Գրիգորյանն առաջարկեց պայմանավորվել, թե ինչ ձեւաչափով պետք է հարցը քննարկել հետագայում, ինչ ժամկետներում, եւ հետ բերել հարցը կառավարության օրակարգ:

Սրան Արարատ Միրզոյանն արձագանքեց. «Սա բարեփոխումների ճանապարհին մեր կարեւոր քայլերից մեկն է եւ մենք գնալու ենք այդ ճանապարհով: Գերատեսչությունները պետք է հրաժարվեն այդ գայթակղությունից՝ երբ ավելի հեշտ կարող են կառավարել ֆինանսական հոսքերը: Բոլորը պետք է հասկանան, որ արտաբյուջեներով, ոչ թափանցիկ, զանազան հոսքերի կառավարում չի լինելու»:

Տիգրան Ավինյանն էլ հավելեց. «Արտաբյուջեներին կողմ կամ դեմ լինելու համար նախ պետք է հասկանալ, թե դրանք ինչ խնդիր են լուծում: Ես կողմ եմ, որ որեւէ նախարարություն արտաբյուջե չպետք է ունենա, բայց քանի դեռ մենք հանգամանորեն չենք քննարկել, թե այդ արտաբյուջեներով ինչ ռիսկեր են կառավարվում եւ ուր են ուղղվում դրանք կարծում եմ՝ հրատապ բերել հարցը եւ քննարկման դնել, նպատակահարմար չէ:

Երբ մենք ամեն նախարարության հետ կապված, որն ունի արտաբյուջե, առանձին-առանձին կքննարկենք, կհասկանանք, թե այդ միջոցներն ուր են ուղղվում, ինչ ռիսկեր են կառավարվում, ես միանշանակ կողմ կլինեմ, որ կառավարության նիստում հարցը քննարկվի»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Իմ քայլի» 2 պատգամավոր առաջարկում են նվազագույն աշխատավարձը 55 հազար դրամից դարձնել 65 հազար դրամ. նախագիծ
Նվազագույն աշխատավարձը աստիճանաբար պետք է բարձրանա մինչեւ ամսական 150.000 դրամ մի քանի տարվա ընթացքում...
Դոլարի փոխարժեքը նվազեց 480 դրամից. Եվրոն էժանացել է շուրջ 3 դրամով
Թանկարժեք մետաղների համար բանկի կողմից սահմանվել են հետեւյալ գները...
Միջգերատեսչական հանձնաժողովը հավանության է արժանացրել ՀՀ-ԵՄ ՀԸԳՀ ճանապարհային քարտեզի վերջնական տարբերակը
Նիստի ընթացքում որոշվել է հավանության արժանացնել ճանապարհային քարտեզը և ներկայացնել այն Հայաստանի Հանրապետության վարչապետի հաստատմանը...
Աշխատավարձի բարձրացումը որպես կոռուպցիայի դեմ պայքարի միջոց անընդունելի է. նիստ ՍԱՏՄ-ում
Ոլորտում կոռուպցիոն երեւույթները բացառելու հարցում հասարակական սեկտորի աջակցությունն առավել քան կարեւոր է...
Տավուշի մարզում 2018-ին ոռոգել ենք 4500 հա տարածք, առաջիկա մեկ տարվա ընթացքում սա կրկնապատկելու ենք. մարզպետ
Առանց ոռոգման առաջադեմ գյուղատնտեսություն չի լինելու…
Գերմանական հայտնի ընկերությունը հետաքրքրված է ՀՀ-ում գործունեության ընդլայնմամբ. Հանդիպում ՀՀ նախագահի հետ
Գերմանական «Շնայդեր գրուպ» ընկերությունն արդեն 15 տարի ծառայություններ է մատուցում բիզնեսի զարգացման ոլորտում…