News
Լրահոս
News
Հինգշաբթի
Մայիս 23
Տեսնել լրահոսը

ՀՀ քննչական կոմիտեի Սյունիքի մարզային քննչական վարչության վարույթում քննվող քրեական գործով ձեռնարկված քննչական գործողությունների արդյունքում բացահայտվել է հափշտակության դեպքը: Երկու անձի մեղադրանք է առաջադրվել:

2018թ. նոյեմբերի 13-ին՝ ժամը 15:15-ին, Կապանի բնակչուհուց Ոստիկանությունում ահազանգ է ստացվել առ այն, որ իր բնակարանից գողություն է կատարվել:

Անմիջապես դեպքի վայր է մեկնել օպերատիվ խումբը՝ քննիչի գլխավորությամբ:

Նախնական տվյալներով՝ 2018թ. նոյեմբերի 13-ին՝ ժամը 15:00-ի սահմաններում, մի խումբ անձինք, ուրիշի գույքի գաղտնի հափշտակություն կատարելու նախնական համաձայնությամբ, հարմարեցված առարկայի գործադրմամբ դռան փականը բացելու եղանակով, ապօրինի մուտք են գործել բնակարան և գաղտնի հափշտակել զգալի չափերի հասնող գումար:

Նույն օրը Քննչական կոմիտեի Սյունիք մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 177-րդ հոդվածի 3-րդ մասի 1.1-րդ կետով:

Ձեռնարկված մեծածավալ քննչական և դատավարական գործողությունների, օպերատիվ-հետախուզական միջոցառումների  արդյունքում բնակարանից կատարված գողությունը բացահայտվել է, պարզվել է ենթադրյալ հանցագործություն կատարած անձանց ինքնությունը, ովքեր հանդիսանում են Կապան քաղաքի բնակիչներ՝ ծնված 1996 և 1982թթ., անհատականացվել նրանցից յուրաքանչյուրի գործողությունները:

Օրենքով սահմանված կարգով խուզարկություններ են կատարվել վերջիններիս բնակարաններում, որի ժամանակ հայտնաբերվել են մուտքի դռների փականներ բացելու համար նախատեսված հատուկ հարմարեցված գործիքներ: Բացի այդ, բնակարաններից մեկում հայտնաբերվել է նաև կանաչանման, հատուկ բույրով զանգված: Կատարված դատաքիմիական փորձաքննությամբ պարզվել է, որ այն հանդիսանում է «մարիխուանա» տեսակի թմրամիջոց:

Ձեռք բերված բավարար ապացույցների հիման վրա՝ 22-ամյա երիտասարդին և 36-ամյա տղամարդուն մեղադրանք է առաջադրվել՝ ՀՀ քրեական օրենսգրքի 177-րդ հոդվածի 3-րդ մասի 1.1-րդ կետով:

Նրանց նկատմամբ որպես խափանման միջոց է ընտրվել կալանավորումը:

Նախաքննությունը շարունակվում է: Ձեռնարկվում են անհրաժեշտ քննչական գործողություններ՝ նույն խմբի կողմից կատարված հնարավոր այլ հանցավոր արարքները, դրանց կատարմանը այլ անձանց հնարավոր առնչությունը պարզելու ուղղությամբ։

Տպել
Կարդացեք նաև
Ամբողջը
Դոն Պիպոյի գործով նախաքննությունն ավարտվել է
Գրավի դիմաց ազատ արձակվելուց հետո չի դիմել վարույթն իրականացնող մարմնին՝ երկրից բացակայելու խնդրանքով...
ՊՎԾ հայտարարությունը կրում է պոպուլիստական բնույթ. Օսիպյանը՝ Ոստիկանությունում խախտումների մասին
Ես կոռեկտ չէի համարում նման արտահայտություն այս փուլում...
Պատճառը կոյուղագծի և անձրևատար համակարգի բացակայությունն է. Էրեբունի վարչականի ղեկավարը՝ Մուշավանը ջրի մեջ մնալու մասին
Այն Մուշավան թաղամասում այսուհետ կիրականացնի թաղամասով անցնող առվից տիղմի մաքրման աշխատանքներ, որի համար նախատեսված է տրամադրել շուրջ 920000 հազար դրամ գումար...
Արարատում ճակատ-ճակատի բախվել են Mercedes-ն ու Hyundai-ը, 5 վիրավորներից 2-ի վիճակը ծայրահեղ ծանր է (ֆոտո)
Արարատի բժշկական կենտրոնից հայտնել են, որ վիրավորներից երկուսը, որոնցից մեկը ծայրահեղ ծանր է, մեկը՝ ռեանիմոբիլով...
ՀՀ գլխավոր դատախազ Արթուր Դավթյանը խորհրդակցություն է հրավիրել
Քննարկմանը մասնակցել են ՀՀ գլխավոր դատախազի տեղակալները, ՀՀ գլխավոր դատախազության...
Քահանան դանակով հարձակվել է Տրոիցե-Սերգիեւյան մայրավանքի վանականի վրա
Քահանան դանակով հարձակվել է վանականի վրա...