News
Լրահոս
News
Ուրբաթ
Մայիս 24
Տեսնել լրահոսը


Հայաստանի վարչապետի պաշտոնակատար Նիկոլ Փաշինյանը պատրաստ է հանդիպել Արբեջանում գերի ընկած Բերդավան գյուղի բնակիչ Կարեն Ղազարյանի հարազատների հետ: Փաշինյանն այս մասին հայտարարեց նոյեմբերի 20-ին մամուլի ասուլիսի ժամանակ:

Վարչապետի պաշտոնակատարը տեղեկացրեց, որ հանդիպման մասին Ղազարյանի հարազատներից դիմում է ստացել եւ հանձնրարարել է այն կազմակերպել:

«Իմ կինը երկու անգամ այցելել է ընտանիքին: Հարցը երբեք ուշադրությունից դուրս չի եղել: Բայց վերջերս անցկացված ակցիան հարցեր է առաջացնում. ու՞մ դեմ է այն ուղղված: Եթե Ադրբեջանի իշխանությունների դեմ, ապա ինչի համար էր պետք փակել ճանապարհը, որի փակումը Ադրեբջանի ռազմավարական նպատակներից մեկն էր: Եթե մեր դեմ էր, որովհետեւ կարծում են, որ խնդրին պատշաճ ուշադրություն չի դարձվել, ապա ինչու է վարչապետի կինը երկու անգամ այցելել ընտանիքին եւ եղել է արդյոք նման նախադեպ, երբ նման իրավիճակում հայտնված ընտանիքին, նման ուշադրություն է հատկացվել: Եթե խոսքն այն մասին է, որ Հայաստանը պետք է ավելացնի ջանքերը, ապա պետք է հասկանալ, պետք է արդյոք գործընթացը համապատասխանի Հայաստանի շահերին, թե կարելի է ցանկացած գնով պահանջել հարցի լուծումը եւ միեւնույն է, թե ինչպես հասարակությունը կվերաբերվի եւ ինչպիսին կլինի գնահատականը: Դրանք հեշտ հարցեր չեն», -նշեց Փաշինյանը:

Նա հիշեցրեց, որ Ադրբեջանում Հայաստանի եւս մեկ քաղաքացի է գնտվում ՝ Զավեն Կարապետյանը (գերության մեջ հայտնվելու պաշտոնական հաղորդագրությունն արվել է 2017-ի հուլիսին):

«Ինչու՞ նրա համար ճանապարհներ չեն փակում: Որովհետեւ նա ո՞րբ է: Այս տրամաբանությամբ եք առաջնորդվու՞մ»: Փաշինյանը նշեց, որ ադրբեջանական կողմն առաջարկում է «բոլորին բոլորով» փոխանակել:

«Մենք պետք է գնա՞նք դրան: Իսկ մենք հարցրե՞լ ենք սպանվածների ընտանիքներին», - հարց հնչեցրեց Փաշինյանը, հիշեցնելով, որ Հասան Հասանովի (մահացել է ձերբակալման ժամանակ), Դիլհամ Ասկերովի (ԼՂՀ դատարանով ցմահ ազատազրկման է սատապարտվել) եւ Շահբազ Գուլիեւի (ԼՂՀ դատարանով 20 տարվա ազատազրկման է սատապարտվել) ահաբեկչական ներխուժման ժամանակ 2 մարդ է սպանվել, այդ թվում 18-ամյա պատանի:

«Այսինքն՝ Ադրբեջանին երկու ռամիլ սաֆարովների վերադարձնե՞նք: Հասկանում եւ հարգանքով եմ վերաբերվում Ղազարյանների ընտանիքի ողբերգությանը: Բայց բացահայտ ասում եմ՝ Վրաստան տանող ճանապարհը փակելն ինձ համար անհասկանալի է: Այսինքն կա մի բան, որ մենք կարող էինք անել եւ չենք արե՞լ: Սա իրավիճակի սխալ ըմբռնում է: Վարչապետը եւ կառավարությունը պարտավոր են նույն ձեւով երկուսի մասին մտածել», - ընդգծեց Փաշինյանը: Նա խոստացավ նաեւ հանդիպել Ղազարյանի հարազատների հետ եւ անկեղծորեն խոսել նրանց հետ:

Նշենք, որ Ասկերովը եւ Գուլիեւը գտնվում են Շուշիի բանտում, այսպիսով Արցախի իրավասության ներքո են: Այնտեղ է գտնվում նաեւ Ադրբեջանի երրրոդ քաղաքացին՝ Էլնուր Գուսենաձեն: Ադրբեջանում բացի Կարեն Ղազարյանից եւ Զավեն Կարապետյանից գտնվում է նաեւ 15 տարվա ազատազրկման դատապարտված Արցախի քաղաքացի Արսեն Բաղդասարյանը:

Հիշեցնենք, որ Տավուշի մարզի Բերդավան գյուղի բնակիչ 34-ամյա Կարեն Ղազարյանը հուլիսի 15-ին հայտնվել էր Ադրբեջանի տարածքում: Ադրբեջանական կողմը տեղեկություն էր տարածել «սահմանին Հայաստանի ԶՈՒ հետախուզադիվերսիոն խմբի հարձակման կանխման», ինչպես նաեւ 1984 թվականի ծնված հայ զինծառայող Կարեն Ղազարյանի գերեվարման մասին: Հայաստանի պաշտպանության նախարարի մամուլի խոսնակ Արծրուն Հովհաննիսյանը հայտարարել էր, որ Կարեն Ղազարյանը չի ծառայում եւ երբեք չի ծառայել Հայաստանի ԶՈՒ շարքերում:

Սա Ադրբեջանի իշխանություններին չէր խանգարել Ղազարյանին դիվերսանտ հայտարարել եւ դատել:

ՀՀ ԱԳՆ մամուլի քարտուղար Աննա Նաղդալյանը օրերս հայտարարել էր, որ Ադրբեջանը փորձել է շոու անել, Ղազարյանին դիվերսանտ ներկայացնել եւ հավասարության նշան դնել Ասկերովի եւ Գուլիեւի հետ, որոնք ծանր հանցագործություններ են կատարել. «Չնայած այս ամենին, համապատասխան աշխատանք է տարվում. հայրենակցին վերադարձնելու հարցն օրակարգում է»:

Այս հարցով ՀՀ օմբուդսմեն Արման Թաթոյանը դիմել է ՄԱԿ եւ ԵԽ հանձնակատարներին, աշխատանք է տարվում Կարմիր Խաչի միջազգային կոմիտեի հետ սերտ համագործակցությամբ: Արման Թաթոյանը նաեւ հայտնել է, որ իրենք միջազգային կառույցներին ներկայացրել ենք փաստաթղթեր, որ Կարեն Ղազարյանը քաղաքացիական անձ է, երբևէ չի ծառայել Զինված ուժերում և նաև ունի հոգեկան առողջության խնդիրներ: Սակայն այդ կառույցներից որեւէ արձագանք դեռ չկա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Ամեն ինչի մեջ կա քաղաքական դրդապատճառ». Դավիթ Տոնոյանը՝ ապրիլյանի հարցով քննիչ հանձնաժողով ստեղծելու մասին
Եթե ապրիլյանի մասին է, ապա այն մարդկանց շրջանակն է, որոնք որոշումներ են կայացրել...
ՀՀ ԱԳՆ-ն պարտավոր է արձագանքել Հենրիկ Մխիթարյանի շուրջ ստեղծված իրավիճակին․ Մարուքյան
Մենք բոլորս հայտնվել ենք մի իրավիճակում, որն անպատվաբեր է ՈՒԵՖԱ-ի համար...
Հենրիխ Մխիթարյանը եզրափակիչը բաց կթողնի, քանի որ Հայաստանից է. սա սկանդալ է. բրիտանացի պատգամավոր
Սկանդալ է նաեւ այն, որ «Արսենալի» հայկական անուններով երկրպագուներին մերժում են Ադրբեջանի մուտքի վիզաները…
Արցախում պատերազմը չի ավարտվել, հենց դա է պատճառը, որ իմ որդին ծառայում է Արցախում.Աննա Հակոբյանը՝ արդբեջանցի լրագրողին
Որպես կին և մայր իմ ուղերձն է՝ հակամարտությունը կարգավորել բանակցությունների միջոցով...
Ադրբեջանի Պնախարարը առաջին գիծ գալով փախուստի է դիմել ՀՀ ԶՈՒ վերահսկողության տակ հայտնվելուց հետո. ԱԽ քարոտւղար
Վերջերս իրենց պաշտպանության նախարարը հայտարարել էր, որ ՀՀ պաշտպանության նախարարին կդիմավորի...
ԵԱՀԿ-ն դիտարկում է անցկացրել հայ-ադրբեջանական սահմանագուտում՝ Բաղանիս գյուղի ուղղությամբ (ֆոտո)
Շնորհակալություն հայտնելով հայկական կողմին ներկայացված տվյալների համար` ԵԱՀԿ պաշտոնյաները նշել են, որ դրանք կներառեն իրենց զեկույցներում…