Անջատողականների հայտնի ղեկավար Խաֆիզուլլա Միրը հնդիկների կողմից վերահսկվող Քաշմիրում այսօր սպանվել է, հաղորդում է Associated Press-ը:
Ապստամբները իրենց առաջնորդի մահվան մեջ մեղադրել են Հնդկաստանի իշխանություններին: Ընդ որում ոստիկանությունում հայտնել են, որ Միրը սպանվել է զինվորականների կողմից:
Գործակալությունը հաղորդում է, որ Միրը բանտից ազատվել է անցյալ ամիս՝ Հնդկաստանում երկու տարվա ազատազրկումից հետո:
Միրը Թեհրիք-է-Հուրրիյաթ խմբավորման առաջնորդն է, որը պայքարում է հնդկական Քաշմիր շրջանի ինքնիշխանության համար եւ սպանվել է սեփական տանը՝ Աքաբալ շրջանում:
Նշվում է, որ հարձակման արդյունքում վիրավորվել է նաեւ Միրի կինը:
Մահացածի կողմնակիցները նշել են, որ մինչ այդ Միրը բազմիցս հեռախոսով սպառնալիքներ էր ստանում: