Հնդկահավը, որին Թրամփը ներում կշնորհի, երեքշաբթի հայտնվել է Սպիտակ տան ճապազրույցների սրահում՝ տեղեկացնում է ՌԻԱ Նովոստին։
Երախտագիտության օրը ԱՄՆ նախագահն ավանդաբար հումորային արարողություն է անցկացնում՝ ազգային տոնից առաջ ներում շնորհելով երկու հնդկահավերի։ Բանն այն է, որ տոնին ընդունված է հնդկահավ պատրաստել։
Այս տարի ներումը կշնորհվի Ոլոռիկ եւ Գազարիկ անուններով հնդկահավերին։ Թե նրանցից որ մեկն է հայտնվել ճեպազրույցների սրահում, Սպիտակ տունը չի հայտնում։
Թռչունը մի քանի րոպե եղել է տեսախցիկների ուշադրության կենտրոնում։
Երկու հնդկահավերն էլ ձվից հունիսի 28-ին են դուրս եկել եւ արդեն խոշոր մեծ թռչուններ են։ Ասում են, թե Ոլոռիկը սիրում է լսել քանթրի-երգիչ Բրեդ Փեյսլիի երաժշտությունը, պոպ-կորն ուտել եւ հետեւել ինքնաթիռների թռիչքին։ Նրա կյանքի նպատակը թռչել սովորելն է։ Գազարիկը, ըստ Սպիտակ տան, Էլվիս Փրեսլի է լսում, M&M's կոնֆետներ ուտում, յոգայով զբաղվում եւ երազում է հանդիպել Վիրջինիայի Պոլիտեխնիկական համալսարանի թալիսման-թռչունի հետ։