Ֆրանսիայի Ազգային ժողովն ընդունել է 2 օրինագիծ ընդդեմ ֆեյք նորությունների տարածման, փոխանցում է «Գերմանական ալիքը»:
Նոյեմբերի 20-ի երեկոյան պատգամավորները ձայների մեծամասնությամբ հաստատել են օրենքները, որոնց միջոցով երկրի նախագահ Էմանուել Մակրոնը հույս ունի կանխել նախընտրական արշավների ժամանակ լուրերի եւ կեղծ տեղեկությունների տարածումը:
Հաստատված օրենքների համաձայն՝ կուսակցությունները կամ թեկնածուները հնարավորություն կստանան մինչեւ համազգային ընտրությունները երեք ամսվա ընթացքում հրապարակայնորեն տարածվող կեղծ տեղեկությունների դեմ արագացված իրավական ընթացակարգով գործել:
Մակրոնի խոսքով՝ ինքը ցանկանում է Ֆրանսիայում «ժողովրդավարական կյանքը» պաշտպանել ֆեյք նորություններից:
Օրինագծերը, միաժամանակ, մեծ բանավեճ են հրահրել եւ քննադատության ենթարկվել, այդ թվում՝ լրագրողական միավորումների կողմից: Քննադատների կարծիքով՝ Մակրոնը նոր օրինագծերի միջոցով ձգտում է վերահսկել իրեն ոչ ձեռենտու տեղեկատվությունը, գրաքննություն մտցնել եւ քաղաքացիների ու լրատվամիջոցների համար խոսքի ազատությունը սահմանափակել: