Աերոսմիթ խմբի կիթառահար Ջո Փերին չեղարկել է աշնանային շրջագայությունը վերջերս շնչառության հետ կապված հոսպիտալացումից հետո, գրում է Associated Press-ը:
Երաժշտի ներկայացուցիչը հաղորդել է, որ 68-ամյա Փերին մինչեւ տարվա վերջ արձակուրդ կվերցնի: Երաժշտի շրջագայությունը պետք է անցներ նոյեմբերի 30-ից մինչեւ դեկտեմբերի 16-ը:
Նյու Յորքում Բիլլի Ջոելի հետ համատեղ համերգից հետո Փերին զգացել էր, որ շնչահեղձ է լինում: Պարաբժիշկները երաժշտին թթվածին էին տվել եւ հիվանդանոց տեղափոխել:
Փերին միացել էր 69-ամյա Ջոելին Աերոսմիթի «Walk This Way» երգը կատարելու համար: