News
Լրահոս
News
Ուրբաթ
Դեկտեմբեր 14
Տեսնել լրահոսը

Նոյեմբերի 26-ին ՀՀ մշակույթի նախարարության նախաձեռնությամբ եւ Յունիբանկի աջակցությամբ Ա․ Սպենդիարյանի անվան օպերայի եւ բալետի ազգային ակադեմիական թատրոնում տեղի կունենա դուդուկի աշխարհահռչակ վարպետ Ջիվան Գասպարյանի 90- ամյակին նվիրված հոբելյանական համերգ:

Ջիվան Գասպարյանը ներկայացրեց հայկական մշակույթը աշխարհի լավագույն բեմերում` դուդուկի անզուգական մեղեդին ավելի ճանաչելի եւ սիրելի դարձնելով հանրությանը: Այս անգամ եւս հանդիսատեսին սպասում է համերգային հարուստ ծրագիր, որին մասնակցում են` Հասմիկ Պապյանը, Արտո Թունչբոյաջյանը, Արտյոմ Մանուկյանը (ԱՄՆ), Գեւորգ Հակոբյանը, Արմեն Բաբախանյանը, Աննա Մայիլյանը, Էդգար Խաչատրյանը, Կոմիտասի անվան լարային քառյակը, Թաթուլ Ալթունյանի անվան Հայաստանի երգի պարի պետական վաստակավոր համույթը (գեղարվեստական ղեկավար Ժիրայր Ալթունյան), Հայաստանի ազգային ակադեմիական երգչախումբը (գեղարվեստական ղեկավար եւ գլխավոր դիրիժոր Հ․Չեքիջյան), Ա․ Սպենդիարյանի անվան օպերայի եւ բալետի ազգային ակադեմիական թատրոնի սիմֆոնիկ նվագախումբը (գեղարվեստական ղեկավար եւ գլխավոր դիրիժոր Կ․ Օրբելյան) եւ այլ անվանի հայ երաժիշտներ։ Համերգի ընթացքում ավագ եւ կրտսեր Ջիվան Գասպարյանների կատարումները առանձնահատուկ շունչ կհաղորդեն երեկոյին։

«Ջիվան Գասպարյանը դարձել է կենդանի լեգենդ հայ ժողովրդի համար, անգնահատելի է նրա ներդրումը մեր մշակույթում - ասում է Յունիբանկի Վարչության նախագահ Մեսրոպ Հակոբյանն ու շարունակում. «Մենք ուրախ ենք աջակցել մեծ դուդուկահարի ծրագրերին, այդ թվում` հոբելյանական համերգին: Ջիվան Գասպարյանի նախաձեռնությամբ Երեւանում կառուցվում է  դուդուկի անվճար դպրոց սոցիալապես անապահով երեխաների համար, մենք եւս աջակցում ենք կառուցմանը: Դպրոցում սովորում են երգել, պարել, բայց ամենակարեւորը, նրանք նվագում են դուդուկ` շարունակելով ազգային երաժշտական ավանդույթը: Մեր բանկն իր պարտքն է համարում նպաստել դպրոցի շինարարությանը»:

«Ես անչափ շնորհակալ եմ ՀՀ մշակույթի նախարարությանը եւ Յունիբանկին աջակցության համար: Ուրախ եմ, որ բանկը աջակցեց երիտասարդ դուդուկահարների համար դպրոց կառուցելու նախաձեռնությանը: Երաժշտությունը ժողովրդի հոգին է, սա նրա պատմությունն է, սա է ապագան»,- ասում է Ջիվան Գասպարյանը:

Դուդուկի վարպետն արժանացել է ՅՈՒՆԵՍԿՕ-ի չորս մրցանակների (1957, 1962, 1973 եւ 1980թթ): 2002թ-ին վարպետն արժանացել է WOMEX մրցանակին:

Միջոցառումը կազմակերպվում է «ԹԻ ԷՄ Փրոդաքշն» ընկերության կողմից:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Երեւանում բացվեց «Ամերիաբանկի» «Նոր Նորք» մասնաճյուղը (ֆոտո)
Նոր մասնաճյուղը կաշխատի երկարացված աշխատանքային օրվա ռեժիմով…
Յունիբանկը միկրոբիզնեսի համար նախատեսված վարկերը հաստատում է հաշված րոպեների ընթացքում
Հայտերի ձեւակերպման եւ վերլուծության գործընթացի ավտոմատացման շնորհիվ, Յունիբանկում հաճախորդի վարկունակությունը գնահատվում է առավելագույնս...
IDBank-ը հայտարարում է 1-ին թողարկման պարտատոմսերի մարման մասին
Բանկի 1-ին թողարկման պարտատոմսերի թողարկման ծավալը 5մլն ԱՄՆ դոլար էր, ժամկետայնությունը՝ 24 ամիս։ Արժեկտրոնների վճարումը կատարվում էր կիսամյակային պարբերականությամբ…
«Սմարթ» հաշվի բացում հեռահար եղանակով․ Ամերիաբանկի նորարարական առաջարկը
«Սմարթ» հաշվի բացման համար հաճախորդին անհրաժեշտ է ընդամենը ՀՀ անձը հաստատող փաստաթուղթ․․․
Աննախադեպ առաջարկ Ամերիաբանկի կողմից. անհպում վճարումներ Visa Pay Sticker-ով
Ամերիաբանկը ՀՀ բանկային համակարգում հանդես է գալիս բոլորովին նոր առաջարկով...
IDBank-ի հովանավորությամբ Հայաստանի ԻԹՖ Թայեքվոնդոյի ազգային հավաքականը մեծ հաջողությունների է հասել Մինսկում
Արդյունքում ունենք 1 ոսկե, 3 արծաթե եւ 4 բրոնզե մեդալ։ Վետերանների մրցաշարում հաղթող է ճանաչվել Արսեն Սիմոնյանը…
Partner news