Նոյեմբերի 19-ին, ժամը 17։50-ի սահմաններում Երեւանի բնակիչ 41-ամյա Դավիթ Մ.-ն իր վարած Volkswagen Caddy մակնիշի 535 AF 61 համարանիշի ավտոմեքենայով Երեւան-Երասխ ավտոճանապարհի 17 կմ հատվածում՝ Մարմարաշեն գյուղի վարչական տարածքում, վրաերթի է ենթարկել նույն գյուղի բնակիչ՝ 42-ամյա Ֆայզո Խուդոյանին։
Shamshyan.com-ի փոխանցմամբ, վարորդը փախուստի չի դիմել, ահազանգել է հիվանդանոց եւ օգնել է վրաերթի ենթարկվածին տեղափոխել հիվանդանոց, որտեղ, սակայն, ժամեր անց վրաերթի ենթարկվածը գիտակցության չգալով՝ մահացել է։
Աղբյուրի տեղեկություններով՝ վարորդ Դավիթ Մ.-նն աշխատում է «Մոբայլ Սենթր» ՍՊԸ-ում՝ որպես առաքիչ, իսկ վրաերթի ենթարկվածը փողոցն անցել է ճանապարհը բաժանող երկաթե արգելապատնեշների վրայով, իսկ ճանապարհին էլ միացված չեն եղել արտաքին լուսավորության լույսերը, անգամ բժիշկները, իսկ հետո արդեն դեպքի վայր ժամանած ոստիկանները աշխատանքները կատարել են մութ ժամանակ։