Հայաստանն այս համաձայնագրով կներգրավի 50 մլն դոլարի վարկային միջոցներ: Այս մասին նոյեմբերի 21-ին արձակված ԱԺ արտահերթ նիստում Ասիական զարգացման բանկի եւ Հայաստանի կառավարության միջեւ 2018 թվականի նոյեմբերի 9-ին ստորագրված «Հանրային արդյունավետության եւ ֆինանսական շուկաների ծրագիր. Ենթածրագիր 2» վարկային համաձայնագրի քննարկման ժամանակ ասաց ֆինանսների փոխնախարար Արմեն Հայրապետյանը: Նրա խոսքով՝ համաձայնագիրը ստորագրվել է բյուջեի պակասուրդի ֆինանսավորման շրջանակում:
«Ծառուկյան» դաշինքի պատգամավոր Սերգեյ Բագրատյանն, իր հերթին, հիշեցրեց նախարարությունների թվի կրճատման մասին, որը ներկայացրել էր վարչապետի պաշտոնակատար Նիկոլ Փաշինյանը: Սրա հետ կապված նա հետաքրքրվեց, թե ինչ մջոցներ եւ ինչ ծավալով է հնարավոր տնտեսել կրճատման արդյունքում: Հայրապետյանը դժվարացավ կոնկրետ թվեր նշել՝ միայն հավաստիացնելով, որ ամբողջ անհրաժեշտ տեղեկությունները գրանցված են մյուս տարվա բյուջեի նախագծում:
