News
Լրահոս
News
Ուրբաթ
Մայիս 24
Տեսնել լրահոսը


Մի հատ աղմկահարույց գործ ասեք, որ ավարտվել է եւ արդեն դատական վճիռ կա: Այս մասին, ԱԺ-ում լրագրողների հետ զրույցում նշեց ՀՀԿ խմբակցության պատգամավոր Արմեն Աշոտյանը:

Նա կոչ արեց չապրել սերիալի հոգեբանությամբ, որ երբ նոր սերիան տեսնում ես, հները միանգամից մոռանում ես. «Չմոռանանք՝ ինչից է սկսվել կինոն: «ՀԱՊԿ-ում Հայաստանի արկածները» սերիալը սկսվել է Նիկոլ Փաշինյանի ապաշնորհ, ներքաղաքական շահով թելադրված, Խաչատուրովի հանդեպ հարուցված քրեական գործի շրջանակներում, ՀԱՊԿ-ի հանդեպ ոչ հարգալից վերաբերմունքից: Մարդիկ հետ չեն կանչել Խաչատուրովին, որ գործ հարուցեն, հիմա հետեւանքների դեմ պայքարում ենք ազգովի: Ինչու է պետք հիմա ֆռցնել, ու ներկայացնել, որ ինքը մեր մաչոն ա, Հայաստանի Դեն  Բիլզերյանն է: Ինքը ստեղծում է մի վիճակ, որ մենք՝ անկախ քաղաքական համոզմունքներից, Հայաստանի պետական շահն ենք առաջ տանում:

Հիմա նա նահանջի ճանապարհը գցել է: Նա երեկ տպավորություն թողեց, որ բացում է արդեն ՀԱՊԿ-ում դեկտեմբերի 6-ին Հայաստանի նահանջի ճանապարհը, երբ ասաց, որ այդ պաշտոնը երրորդական ու չորրորդական է: Ինչո՞ւ դա ասաց: Մենք միշտ պայքարել ենք ու արդյունք ենք ունեցել, այս մարդը շոու է անում, արդյունքը կտեսնենք»,-ասաց Աշոտյանը:

Դիտարկմանը, որ ի՞նչ կասի, եթե դեկտեմբերի 6-ին ՀԱՊԿ գլխավոր քարտուղար չընտրվի, նա արձագանքեց. «Դա կտեսնենք: Եթե որեւէ երկիր ստիպված է դիմել վետոյի իրավունքի, դրանով ինքը ստորագրում է, որ իր դիվանագիտությունը տապալվել է եւ իր վերջին գործիքը վետոն է: հայաստանն իր պատմության մեջ խոշոր հարցերում մեկ անգամ է վետո դրել՝ Լիսաբոնյան գագաթաժողովում, Լեւոն Տեր-Պետրոսյանի կողմից: Երբ Հայաստանը վետո դրեց հակահայկական բանաձեւի վրա: Դա լավ կյանքից չի: Դա դիվանագիտական սնանկություն կարող է դառնալ»:

Աշոտյանը ներկայացրեց նաեւ իր անձնական կանխատեսումը, որ հայ-բելառուսական բախումից կշահի Ռուսաստանը, որը ՀԱՊԿ գլխավոր քարտուղարի պաշտոնում կթողնի իր պաշտոնակատարին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀՀ ԱԺ հանձնաժողովն ընդունել է ՀԱՊԿ երկրների տեղեկատվական անվտանգության համաձայնագրի վավերացման փաթեթը
Փաթեթը հավանության է արժանացել...
«Հուսով ենք՝ մեր մտահոգությունը լսելի է»․ Զոհրաբ Մնացականյանը՝ ՀԱՊԿ անդամ-պետութան դեմ ուժի կիրառման բացառման մասին
Անդրադառնալով Սիրիայում հումանիտար իրավիճակին՝ նախարար Մնացականյանն ընդգծեց․․․․
ՀԱՊԿ ՀԱԽ-ը նոյեմբերին կքննարկի գլխավոր քարտուղարի պաշտոնում Բելառուսի թեկնածուի նշանակման հարցը
ՀԱՊԿ ԱԳՆԽ նիստում որոշում է ընդունվել քննարկել Զասի թեկնածությունը...
Ներկայացվել է Ստանիսլավ Զասի թեկնածությունը ՀԱՊԿ գլխավոր քարտուղարի պաշտոնում
Ներկայացվել է Ստանիսլավ Զասի թեկնածությունը...
Բիշքեկում ՀԱՊԿ ԱԳ նախարարների խորհրդի նիստի արդյունքներով մի շարք փաստաթղթեր են ստորագրվել
Ընդլայնված կազմով...
Բիշքեկում ընթանում է ՀԱՊԿ երկրների ԱԳՆ ղեկավարների նիստը
ՀԱՊԿ ԱԳ նախարարների նիստն սկսվել է...