News
Լրահոս
News
Կիրակի
Փետրվար 17
Տեսնել լրահոսը


ՀՀ երրորդ նախագահ Սերժ Սարգսյանի եղբորորդին՝ Հայկ Սարգսյանը, հավաստիացնում է, որ իր դեմ ցուցմունք տված «Կենտրոնի Կյաժ» մականունով հայտնի Դավիթ Սիմոնյանի հետ երկար ժամանակ շփում չի ունեցել։

«Հայաթի տղա էր, հետը ահագին տարի էլ մոտիկ չեմ»,– դատարանում լրագրողների հետ զրույցում ասաց նա։

Հարցին, արդյո՞ք ինչ-որ քաղաքական ենթատեքստ տեսնում է իր վերաբերյալ քննվող գործում, Սարգսյանը պատասխանեց.

«Չեմ կարծում, չեմ կարա ասեմ»։

Նշենք, որ նախորդ դատական նիստում Երեւանի ընդհանուր իրավասության դատարանի դատավոր Աննա Դանիբեկյանը որոշում էր կայացրել բերման ենթարկել գործով տուժող Դավիթ Սիմոնյանին։

Նշենք, որ Սիմոնյանը տարիներ շարունակ ջերմ հարաբերություններ է ունեցել Սերժ Սարգսյանի եղբոր՝ Ալեքսանդր Սարգսյանի եւ նրա ընտանիքի հետ, սակայն 2018 թ.  հունիսի 29-ին Սիմոնյանը դատախազություն հաղորդում էր ներկայացրել եւ հայտնել, որ 11 տարի առաջ իր վրա կրակել եւ մարմնական վնասվածք է պատճառել Ալեքսանդր Սարգսյանի որդին՝ Հայկ Սարգսյանը։ Վերաբացված քրեական գործի շրջանակում Սարգսյանին մեղադրանք է առաջադրվել սպանության փորձի եւ ապօրինի կերպով զենք-զինամթերք պահելու համար:

Ըստ մեղադրական եզրակացության՝ Հայկ Սարգսյանը 2007թ. ապրիլի 1-ին ժամը 16:00-ին իր բնակության վայրի` Երեւան քաղաքի Թումանյան փողոցի 11 շենքի 14 բնակարանի նկուղային հարկում գտնվող սենյակում քննությամբ չպարզված հանգամանքներում ապօրինի ձեռք բերած եւ պահվող, հրազեն հանդիսացող «SIGSAUER» տեսակի ատրճանակով Դավիթ Սիմոնյանին ապօրինաբար կյանքից զրկելու դիտավորությամբ կրակել է վերջինիս որովայնին, սակայն հանցագործությունն ավարտին չի հասցրել իր կամքից անկախ հանգամանքներում:

Հիշեցնենք, որ Երեւան քաղաքի ընդհանուր իրավասության դատարանի դատավոր Աննա Դանիբեկյանը սեպտեմբերի 10-ին բավարարել էր Հայկ Սարգսյանի պաշտպանի միջնորդությունն ու որոշում կայացրել Սարգսյանի նկատմամբ գրավը ճանաչել թույլատրելի։ 50 մլն դրամ գրավը վճարելուց հետո Սարգսյանն ազատ էր արձակվել «Նուբարաշեն» ՔԿՀ–ից։

Տպել
Կարդացեք նաև
Ամբողջը
Մոսկվայում տեղի է ունեցել զանգվածային ծեծկռտուք կրակոցներով
Ականատեսների խոսքերով՝ ծեծկռտուքում մասնակցել է շուրջ 20 մարդ…
Գիշերը փորձել են թալանել Արմավիրի մարզպետարանը
Փաստի առթիվ ոստիկանության Արմավիրի բաժնի հետաքննչական բաժանմունքում նյութեր են նախապատրաստվում…
Լիբիայում նավթամշակման գործարանում աշխատող թունիսցի բանվորների խումբ է առեւանգվել
Թունիսը 2018թ․ կրկին իր հյուպատոսությունն է բացել Լիբիայում՝ երեք տարվա ընդմիջումից հետո․․․
Ոստիկաններին տեսնելով՝ ձեռքի եղածը նետել էին ու փորձել էին փախչել, բայց ապարդյուն
Արգամի եւ Արթուրի նկատմամբ մեղադրանք է առաջադրվել քրեական օրենսգրքի` գողության փորձ կատարելու հոդվածի հատկանիշներով...
Ոստիկանները բացահայտեցին Վերնիսաժում կատարված գողությունը. Գողոնը չկա
Ձեռնարկվում են միջոցառումներ գողոնը հայտնաբերելու ուղղությամբ...
Թիվ 44 ավտոբուսում կնոջ պայուսակից գողացել էր «Xiaomi» հեռախոսը. մեկ ժամ անց կասկածյալինն բերման ենթարկեցին
Շենգավիթի ոստիկանները բացահայտեցին երթուղայինում կատարված գողությունը...
Ամենաշատ