Նոյեմբերի 16-ին Նյու Յորքից Թել Ավիվ թռիչք կատարող իսրայելական El Al ավիաընկերության ինքնաթիռը Աթենքում չնախատեսված վայրէջք է կատարել՝ շաբբատի մեկնարկին չհասցնելու մտավախությունից, հաղորդում է Medusa-ն, հղում անելով «Հաարեց» թերթին:
Թերթը գրում է, որ շաբբատ թռիչքներ չիրականացնելու կանոնը ավիաընկերության քաղաքականության մեջ է մտնում:
Վատ եղանակի պատճառով թռիչքը հետաձգել էին Նյու Յորքում: Թռիչքից առաջ օդաչուն իմացել էր, որ ինքնաթիռում մի քանի օրթոդոքսալ հրեաներ ագրեսիվ կերպով անհանգստություն են հայտնում, որ ինքնաթիռը մինչեւ շաբբատի սկիզբը չի հասնի Իսրայել:
Օդաչուն ուղեւորներին ասել էր, որ այդ պահից 1,5 ժամ առաջ վայրէջք կկատարի, սակայն հասկանալով, որ անհանգստությունները չեն դադարում, հայտատարել է տերմինալ վերադառնալու մասին. ասյպիսով բոլոր ցանկացողները կարող էին դուրս գալ ինքնաթիռից:
Ինքնաթիռում գտնվող ռավվինը, դիմելով ուղեւորներին ասել է, որ եթե ինքնաթիռը շաբբատից 1,5 ժամ առաջ վայրէջք կատարի, ապա դա հուդդայականության արգելքների խախտում չի լինի:
Թռիչքի ժամանակ պարզ է դարձել, որ ինքնաթիռն ամեն դեպքում չի հասցնում Իսրայել հասնել. ըստ հրամանատարի, դիսպետչերը անձնակազմի համար անսպասելիորեն ինքնաթիռի համար ավելի երակր երթուղի է ընտրել:
Աթենքում, ըստ երկրորդ օդաչուի, նորից անհանգստություններ են սկսվել. մարդիկ սկսել են գոռալ, օդանավի անձնակազմին ստախոսներ անվանել եւ անգամ բորտուղեկցորդների նկատմամբ ուժ կիրառել:
«Ինքնաթիռում քաոս էր, բորտուղեկցորդուհիները լացում էին», — իր հաշվետվությունում գրել է նա:
«Շատ ուղեւորներ՝ աշխարհիկ եւ կրոնական, զայրացել էին եւ սկսեցին հարձակվել անձնակազմի վրա. խոսքով եւ անգամ ֆիզիկապես: Մյուս կողմից, որոշ հրաշալի ուղեւորներ վեր կացան, որպեսզի անձնակազմին պաշտպանեն ագրեսիվ խմբից... որոշները փորձում էին օգնել մեզ ուտելիք բաժանել, սկուտեղները դասավորել», — «Էդիոտ Ախրոնոտ» թերթին ասել է բորտուղեկցորդուհիներից մեկը:
Ուղեւորների մի մասը նույն օրը երեկոյան Աթենիքց հասել է Իսրայել, մյուսները չցանկանալով ճանապարհորդել շաբբատի ժամանակ, շաբաթ երեկոյան են հասել Իսրայել:
El Al-ը պատրաստվում է բողոք ներկայացնել առնվազն մեկ ուղեւորի դեմ, գրում է The Times-ը: Ընկերությունը ներողություն է խնդրել եւ խոստացել հետաքննել միջադեպը: