Մենք միշտ վերահսկել ենք եւ վերահսկելու ենք, որ ընտրակաշառքներ չլինեն, դրա վառ ապացույցը, որ սեպտեմբերին տեղի ունեցան ավագանու ընտրություններ։ Այս մասին ասյօր՝ նոյեմբերի 22-ին, կառավարությունում ճեպազրույցի ժամանակ ասաց ՀՀ ոստիկանապետ Վալերի Օսիպյանը։
«Ոստիկանությունը էլ ավելի խիստ է լինելու, ես արդեն հանձնարարել եմ, որ մեր մոտեցումը լինելու է խիստ, զիջում չի լինելու, հանդուրժող չենք լինելու որեւէ մեկի նկատմամբ, թե՛ կաշառք տվողի, թե՛ վերցնողի նկատմամբ, կապ չունի գումարային է լինելու այն, թե առարկայով կամ իրով, բոլորը ենթարկվելու են պատասխանատվության օրենքի ողջ խստությամբ»,–ասաց նա։
Հարցին՝ ոստիկանությունն արդեն տեղեկություններ ունի ընտրակաշառքի կամ ուղղորդումների մասին, Օսիպյանտ պխատասխանեց. «Մենք գիտենք, թե ով կարող է այդ ամենով զբաղվել, մենք նրանց պահում ենք մեր տեսադաշտում»։
Լրագրողները հետաքրքրվեցին՝ արդեն ունե՞ն տեսադաշտում քաղաքական ուժերի, որին ոստիկանապետը արձագանքեց. «Մենք ամեն ինչ էլ ունենք, տեսադաշտում բոլորը կան, նրանք ովքեր կարող են թույլ տալ նման խախտում, մենք պահում ենք տեսադաշտում»։