Եվրոպական խորհրդի ղեկավար Դոնալդ Տուսկը հայտարարել է, որ բրեքսիտից հետո Մեծ Բրիտանիայի եւ Եվրամիության հետագա հարաբերությունների մասին հռչակագրի նախագիծը համաձայնեցվել է բանակցողների մակարդակով եւ ընդհանուր առմամբ քաղաքական մակարդակով, հաղորդում է RT-ն` հղում անելով Եվրախորհրդի ղեկավարի Twitter-ի հայտարարությանը:
«Ես ԵՄ 27 երկրներին ուղարկել եմ Մեծ Բրիտանիայի եւ Եվրամիության հետագա հարաբերությունների մասին հռչակագրի նախագիծը: Եվրահանձնաժողովի ղեկավարն ինձ տեղեկացրել է, որ այն բանակցողների մակարդակով եւ ընդհանուր առմամբ քաղաքական մակարդակով համաձայնեցվել է», —Twitter-ում գրել է Տուսկը:
Նոյեմբերի 19-ին բոլոր 27 երկրները, որոնք մնում են ԵՄ-ում, աջակցել են ԵՄ-ից երկրի դուրս գալու մասին համաձայնագրի նախագծին:
ԵՄ պետությունների ղեկավարների գագաթաժողովը, որը նվիրված է ԵՄ-ից Բրիտանիայի դուրս գալուն, նախատեսված է նոյեմբերի 25-ին:
