Նախընտրական կարճ քարոզարշավը կարող է ապատեղեկատվության եւ կեղծ տեղեկատվության քանակի ավելացմանը հանգեցնել: Այս մասին նոյեմբերի 22-ին լրագրողների հետ հանդիպման ժամանակ հայտարարեց մեդիա փորձագետ Սամվել Մարտիրոսյանը:
Նրա խոսքով դա նաեւ կապված է քաղաքացիների մոտ հեղափոխությունից հետո զգացմունքային պոռթկման հետ:
«Մարդու էմոցիոնալ վիճակը հանգեցնում է նրան, որ նա պակաս ընկալունակ է դառնում կեղծ եւ ճիշտ տեղեկատվությունը տարանջատելու հարցում», - բացատրեց Մարտիրոսյանը:
Փորձագետը նշեց, որ այս հարցում մեծ դեր են խաղում քաղաքական ուժերի, պետական մարմինների մամուլի ծառայությունները, որոնք պետք է ակտիվ լինեն եւ քաղաքացիներին հասցնեն պաշտոնական դիրքորոշումը: