ՀՀ ոստիկանապետ Վալերի Օսիպյանը անդրադարձել է արտահերթ խորհրդարանական ընտրությունների քարոզարշավի ժամանակ ԱԺ պատգամավոր Արմեն Աշոտյանի անվտանգության ապահովման հարցին։
Այսօր՝ նոյեմբերի 22-ին, կառավարության ճեպազրույցի ժամանակ լրագրողը, մասնավորապես, հարցրել է, թե ինչպես է Արմեն Աշոտյանին անվտանգությունը ապահովելու քարոզարշավի ժամանակ, քանի որ նա ընդունելի չէ հանրության համար։
«Չեմ կարող ասել, որ Արմեն Աշոտյանին հանրությունը ընդհանրապես չի ընդունում»,–պատասխանել է Օսիպյանը, ապա հավելել. «Մեր պայմանները բոլորի համար լինելու են հավասարաչափ»։
Ոստիկանապետը հայտնել է նաեւ, որ նոյեմբերի 26-ից սկսած շրջելու է մարզերով եւ լինելու է Երեւանում, որտեղ հանդիպելու է քաղաքական ուժերի հետ, ինչպես նաեւ իր գործընկերների հետ։