Վերջին օրերին Նիգերիայի բանակի առնվազն 100 զինվոր է զոհվել «Բոկո հարամ» արմատական խմբավորման զինյալների հարձակման հետեւանքով՝ տեղեկացնում է ՏԱՍՍ-ը։
Գործակալության տվյալներով՝ չորս աղբյուրներ հաստատել են 100 զինվորականների սպանությունը նոյեմբերին կայացած մեկ հարձակման հետեւանքով։
Նոյեմբերի 17-ին AFP-ն հայտնել է, որ Նիգերիայի բանակի ստորաբաժանումները հակահարված են հասցրել զինյալների հարձակմանը Բորնո նահանգում։ Բախման հետեւանքով զոհվել է մեկ զինծառայող, չորսը վիրավորվել են։
Դիտորդները նշում են, որ չնայած կառավարական զորքերի գործողություններին՝ Բորնո նահանգում «Բոկո հարամը» ակտիվություն է ցուցաբերում՝ հարձակվելով ինչպես խաղաղ բնակչության, այնպես էլ նիգերական զորքերի վրա։