Երեւանի «Արմենիա Մարիոթ» հյուրանոցի «Տիգրան Մեծ» սրահում ընթանում է «Հայաստանի տնտեսության զարգացման արդի հիմնախնդիրները եւ ռազմավարական ուղղությունները» թեմայով գիտագործնական խորհրդաժողով: Այն կազմակերպել են Հայաստանի արդյունաբերողների եւ գործարարների միությունը եւ Երեւանի պետական համալսարանի տնտեսագիտության եւ կառավարման ֆակուլտետը:
Խորհրդաժողովին մասնակցում են բիզնեսում եւ տնտեսական կառավարման մեխանիզմներում խոչընդոտներն ուսումնասիրած եւ հաղթահարելու ուղիները վերլուծած ՀՀ առաջատար բուհերի տնտեսագետներ: Միջոցառմանը ներկա է ՀՀ վարչապետի պաշտոնակատար Նիկոլ Փաշինյանը, ՀՀ կառավարության, գործարար համայնքի, մասնագիտացված բուհերի եւ այլ շահագրգիռ կառույցների ներկայացուցիչներ:
Խորհրդակցությունը նպատակ ունի ներկայացնելու եւ վերլուծության ենթարկելու՝
• ՀՀ տնտեսությունում առկա ելակետային իրավիճակը,
• հավասար մրցակցային պայմաններում տնտեսության զարգացման տեսլականը,
• տնտեսության զարգացման ռազմավարական ուղղությունները,
• գիտելիքահեն տնտեսությանն անցման ուղիները: