Ցավոք, Հայաստանի եւ Իրանի միջեւ առեւտրաշրջանառության եւ առեւտրատնտեսական հարաբերությունների ցածր մակարդակ է արձանագրվում: Այս մասին նոյեմբերի 23-ին մամուլի ասուլիսում հայտարարեց Հայաստանի տնտեսական զարգացման եւ ներդրումների նախարարի պաշտոնակատար Տիգրան Խաչատրյանը:
Նրա խոսքով, նրանք միշտ կարծել են, որ կա ներուժ, որն արդյունավետ չի օգտագործվել, սակայն Թեհրանի դեմ պատժամիջոցները շատ էական տնտեսական ազդեցություն ունեն: «Այնպես որ այդ ծավալները այնքան էլ մեծ չեն, որ կարողանան որոշակի ազդեցություն ունենալ Հայաստանում ընդհանուր իրավիճակի վրա», - ավելացրեց Խաչատրյանը: