Ադրբեջանից հայ փախստականների հարցերով դեռ շատ անելիքներ կան: Այս մասին «Ադրբեջանահայ փախստականները. Քաղաքական, մշակութային եւ հասարակական խնդիրները 30 տարի անց» գիտագործնական գիտաժողովին ասաց տարածքային կառավարման եւ զարգացման նախարարության միգրացիոն պետական ծառայության պետ Արմեն Ղազարյանը:
Նրա խոսքով, կառույցն առաջին հերթին պատասխանատու է փախստականների կողմից Հայաստանի քաղաքացիություն ստանալու համար, սակայն բնակարան ստանալու համար հերթ կանգնածների խնդիրը չի վերացել: Միեւնույն ժամանակ, պաշտոնյան նշեց, որ նրանց նպատակն է նաեւ փախստականների վերջնական ինտեգրումը: «Կարեւոր չէ, թե ինչպես է մեր կառույցը կոչվում: Դա մեզ բոլորովին չի խանգարում», - ասաց Ղազարյանը՝ հավելելով, որ ավելի լավ կլիներ քննարկել պետության կողմից ծառայության գործունեության նկատմամբ ուշադրության բարձրացման խնդիրները՝ ավելացնելով դրա ֆինանավորումը:
