News
Լրահոս
News
Երեքշաբթի
Մայիս 21
Տեսնել լրահոսը

Շիրակի մարզի երկու գյուղերի համայնքապետարաններում կոռուպցիոն հանցագործության դեպքեր են պարզվել, որի կապակցությամբ հարուցվել են քրեական գործեր: Այս մասին հայտնում են NEWS.am–ի աղբյուրները։

Տեղեկատվությունը ճշտելու համար դիմեցինք ՀՀ գլխավոր դատախազության հանրային կապերի բաժին, որտեղից հաստատեցին այն՝ հայտնելով, որ ՀՀ ոստիկանության Շիրակի մարզային վարչության Ախուրյանի բաժնում ստացված տվյալների հիման վրա նախապատրաստված նյութերով  պարզվել է, որ Արևիկ համայնքի նախկին ղեկավարը 2006թ. մարտին համայնքի մշակույթի տան տնօրենի պաշտոնում աշխատանքի է ընդունել մի քաղաքացու, որը 2008-ից մինչև 2010 թթ. ավարտը  չի հաճախել աշխատանքի և գտնվել է արտերկրում: Չնայած դրան, նա աշխատանքից չի ազատվել: Նրա անվամբ այդ ընթացքում ելքագրվել է 1մլն դրամից ավելի գումար աշխատավարձ, որը աշխատավարձերի վճարման տեղեկագրերում ակումբի տնօրենի փոխարեն կեղծ ստորագրություն կատարելով ստացել նախկին համայնքապետը և ակումբի տնօրենի վերառանալուց հետո հանձնել նրան:

Նմանատիպ դեպք է արձանագրվել նաև Շիրակի մարզի մեկ այլ համայնքի՝ Հայկավանի համայնքապետարանում: Ըստ մեր հարցմանն ի պատասխան ՀՀ դատախազությունից տրված տեղեկատվության՝ ՀՀ ԱԱԾ և ՀՀ ոստիկանության աշխատակիցների համագործակցության արդյունքում տվյալներ են ստացվել այն մասին, որ Շիրակի մարզի Հայկավան համայնքի ղեկավարն աշխատանքի է ընդունել նույն համայնքի բնակիչներից մեկին, ով իրականում աշխատանքի չի հաճախել:  Նյութերի նախապատրաստման ընթացքում պարզվել է, որ Հայկավան համայնքի ղեկավարն աշխատանքի է ընդունել նույն համայնքի բնակիչ, իր մտերիմ Է.Ա.-ին, ով 1998-2017թթ. ընթացքում համայնքապետարանում  ձևակերպված է եղել որպես վարորդ, սակայն չի հաճախել աշխատանքի:  Այդ ընթացքում վերջինի անվամբ ելքագրվել է առանձնապես խոշոր չափերի՝ 5.800.000 ՀՀ դրամ գումար աշխատավարձ:

Արևիկի համայնքապետարանում հայտնաբերված ենթադրյալ հանցավոր արարքների փաստերով  քրեական գործը հարուցվել է ՀՀ քրեական օրենսգրքի 179-րդ հոդվածի 2-րդ մասի 1-ին և 3-րդ կետերի և ՀՀ քրեական օրենսգրքի 314-րդ հոդվածի 1-ին մասի, իսկ Հայկավանի համայնքապետարանի հետ կապված՝  ՀՀ քրեական օրենսգքրի 179-րդ հոդվածի 3-րդ մասի 1-ին կետի հատկանիշներով:

Քրեական գործերը հարուցվել են ՀՀ Շիրակի մարզի դատախազությունում, որտեղից դրանք ուղարկվել են ՀՀ քննչական կոմիտեի Շիրակի մարզային քննչական վարչություն՝ նախաքննություն կատարելու համար:

Դատախազությունից մեզ հայտնեցին նաև, որ մարզի համայնքապետարաններում  կատարված չարաշահումների և կոռուպցիոն բնույթի հանցագործությունների վերաբերյալ այս տարվա ընթացքում մարզի դատախազության դատախազների դատավարական ղեկավարման, հսկողության ներքո քննվել են 26 քրեական գործեր, որոնց շրջանակներում մեղադրանքներ են առաջադրվել 6 համայնքների ղեկավարների։

Մեղադրական եզրակացություններով դատարան ուղարկված 2 քրեական գործով կայացվել են դատական ակտեր, որոնցով փաստվել է  ամբաաստանյալների մեղավորությունը: 8 քրեական գործերով վարույթը կարճվել  է գործուն զղջալու և պետությանը պատճառված վնասն ամբողջությամբ վերականգնեու հիմքով, 4 քրեական գործերով վարույթը  կարճվել  է  արդարացնող հիմքերով,  իսկ մնացած 12 քրեական գործերով նախաքննությունը շարունակվում է։

 Քրեական գործերով վերականգնվել է 13.812.000 ՀՀ դրամի նյութական վնաս։

Տպել
Կարդացեք նաև
Ամբողջը
Արթուր Իսպիրյանին քաշքշելու միջադեպի մասնակիցների ինքնությունը պարզվել է. ոստիկանություն
Միջոցառումներ են ձեռնարկվում դեպքի բոլոր հանգամանքները պարզելու համար...
ԱՄՆ-ում ծովային հետեւակի ինքնաթիռ է կործանվել
Հյուսիսային Կարոլինայում ռազմական ինքնաթիռ է կործանվել...
Մեկ օրում՝ 52 հանցագործություն. կողոպուտ, շորթում, թմրանյութեր, ծեծ, սպանության սպառնալիք
Անցած 1 օրվա ընթացքում հանրապետությունում արձանագրվել է ճանապարհատրանսպորտային 11 պատահար, ինչի հետևանքով 1 մարդ զոհվել է, 14-ը՝ ստացել տարբեր աստիճանի մարմնական վնասվածքներ…
Խոշոր վթար Մաշտոցի պողոտայում. կան վիրավորներ
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ
Ինդոնեզիայում դատարանը ֆրանսիացուն մահապատժի է դատապարտել թմրանյութերի մաքսանենգության պատճառով
Ֆրանսիացին թմրանյութերի մաքսանենգության համար մահապատժի է ենթարկվել...
Թլիկ-Գյումրի ճանապարհին «Opel»-ը դուրս է եկել երթևեկելի հատվածից և կողաշրջվել․ վարորդը հոսպիտալացվել է
Մինչ փրկարարների կանչի վայր հասնելը, վարորդը հոսպիտալացվել է Թալինի ԲԿ․․․