ԱՄՆ-ն ԻՊ-ին Սիրիայում իր ռազմական ներկայության համար արդարացում է համարում, ռեժիմի փոփոխության համար գրեթե որպես դաշնակից դիտարկում: Այս մասին ասել է Ռուսաստանի արտգործնախարար Սերգեյ Լավրովը իր պորտուգալացի պաշտոնակից Աուգուշտու Սանտուշ Սիլվայի հետ բանակցություններից հետո, հաղորդում է «ՌԻԱ Նովոստին»:
ՌԴ նախարարը նշել է, որ «Պետդեպարտամենտը վերջերս հայտարարել է, որ ԻՊ-ին դեռեւս չեն հաղթել եւ ԻՊ-ին հաղթելու գլխավոր նախապայմանը Սիրիայում ռեժիմի փոփոխությունն է եւ այնտեղից իրանական եւ իրանամետ ստորաբաժանումների դուրս բերումը»:
«Իմ կանխատեսումն այն մասին, որ ԻՊ-ն, ընդհանուր առմամբ, ամերիկացիների համար Սիրիայում դիտարկվում է որպես ռազմական ներկայության արդարացում եւ գրեթե որպես դաշնակից`սիրիական վարչակարգի դեմ պայքարում, հաստատվում է: Այսինքն՝ այժմ գլխավոր խնդիրը ռեժիմը փոխելն է, այլ ոչ թե ԻՊ-ին հաղթելը», - ասել է Լավրովը:
Նախարարի խոսքով, պատճառաբանությունները, որոնք նա օրինակ է բերել, «պատիվ չեն բերում մեր ամերիկացի գործընկերներին եւ ցույց են տալիս, որ բացի Սիրիայում ահաբեկչության վերացման իրենց հիմնական խնդրից, նրանք ունեն այլ, թաքնված օրակարգ»: