Հալեպում գտնվող ահաբեկչական խմբավորումները Ալ-Հալդիա, Ջամիյաթ Ազ-Զախրա թաղամասերի եւ Ան-Նիլ փողոցի վրա թունավոր նյութերով արկեր են արձակել, հաղորդում է SANA- ն:
Հալեպ քաղաքի ոստիկանության վարչության պետ Իսամ Աշ-Շիլը հայտարարել է, որ ահաբեկչության հարձակման արդյունքում տասնյակ քաղաքացիներ Ար-Ռազի հիվանդանոց եւ համալսարանական կլինիկա են տեղափոխվել:
Հալեպի նահանգապետ Հուսեյն Դիյաբը հայտարարել է, որ հարձակումը հաստատում է ավազակային կազմավորումների մոտ թունավոր նյութերի առկայությունը: Նա միջազգային հանրությանը կոչ է արել պաշտպանել քաղաքացիական բնակչությանը, մասնավորապես, կանանց, երեխաներին եւ տարեցներին:
Հալեպի առողջապահության դեպարտամենտի ղեկավար Զիադ Հաջ Թահան ասել է, որ մոտ 50 մարդ վիրավորվել է, այդ թվում` կանայք եւ երեխաներ, նշելով, որ այդ թիվը կարող է մեծանալ:
Բժշկական աղբյուրների համաձայն, քաղաքի հիվանդանոցներում ընդունվել է 107 քաղաքացի, մի քանի տուժածները ծանր վիճակում են:
Տեղական աղբյուրների համաձայն, վերջերս Թուրքիայի սահմանով ֆրանսիացի փորձագետներ են ժամանել Իդլիբ՝ հրթիռները թունավոր գազերով համալրելու համար:
