Հոլիվուդի աստղ, «Օսկար», «Ոսկե առյուծ», BAFTA , «Էմմի» եւ «Տոնի» մրցանակների դափնեկիր Ալ Պաչինոն կկատարի Ուիլյամ Շեքսպիրի հայտնի ողբերգության նոր կինոնկարում Լիր արքայի գլխավոր դերը, փոխանցում է The Guardian-ը:
Այս մասին լուրերը պտտվում էին երկար տարիներ, սակայն միայն հիմա է այս տեղեկությունը պաշտոնական հաստատում ստացել:
Նշվում է, որ ֆիլմի նկարահանումները կսկսվեն մյուս տարի: Ֆիլմի ռեժիսորն է բրիտանացի Մայքլ Ռեդֆորդը:
Նշված ֆիլմն անգլիացի դասականի մեծագույն ստեղծագործության ամենեւին առաջին էկրանավորումը չէ: Միայն ԱՄՆ-ում հայտնի են պիեսի 2 էկրանավորում, որոնց գլխավոր դերերը կատարել են Լոուրենս Օլիվյեն, Օրսոն Ուելսը: Կա նաեւ 1970 թվականի խորհրդային ականավոր էկրանավորումը, որը նկարահանել է ռեժիսոր Գրիգորի Կոզինցեւը: Այս ֆիլմում Լիրի դերը կատարել է էստոնացի դերասան Յուրի Յարվենտը:
