Հայ քաղաքագետները եւ ընտրությունների գործընթացի ու նախընտրական մարաթոնի դիտորդները, շատ են ցանկանում են, որ սրանք Հայաստանի պատմության մեջ ամենալավ ընտրությունները լիրնեն: Այս մասին նոյեմբերի 26-ին «Նախընտրական մարաթոնը Հայաստանում եւ հայ-ռուսական ռազմավարական համագործակցության արդի հիմնախնդիրները» տեսակամուրջի ժամանակ ասաց «Ինտեգրացիա եւ զարգացում» հասարակական կազմակերպության նախագահ, Եվրասիական փորձագիտական ինստիտուտի համակարգող Արամ Սաֆարյանը:
«Որպեսզի նպաստենք ինքնագիտակցության եւ քաղաքական գրագիտության աճին: Հայաստանին հնարավորություն տանք, վերջիվերջո, հարգելի տեղ զբաղեցնել այն երկրների ցանկում, որտեղ քաղաքական ստանդարտները գերակշիռ են: Կարեւոր է, որ քաղաքական դաշտում հիմնական մասնակիցները՝ կուսակցություն-առաջնորդները հայ-ռուսական ռազմավարական դաշինքի եւ սպեկտրի մասին հստակ պատկերացումներ ունենան», - ասաց Արամ Սաֆարյանը:
Նրա խոսքով, վերջին տարիների սոցիոլոգիական ուսումնասիրությունները ցույց են տալիս, որ հայ բնակչության մեծամասնությունը կողմ է հայ-ռուսական բազմակողմանի հարաբերությունների ամրապնդմանը: Սակայն Արամ Սաֆարյանը նկատեց, որ նախընտրական դաշտում հայտնվել են քաղաքական խմբեր եւ կուսակցություններ, որոնք հանդես են գալիս հակառուսական դիրքերից եւ կարող են Հայաստանին ներքաշել համաշխարհային աշխարհաքաղաքական առճակատման մեջ: «Սա չպետք է թույլ տալ, եւ մենք հուսով ենք, որ խորհրդարանում մեծամասնություն ստացածները կկարողանան վերջ դնել նման հռետորաբանությունը», - ասաց Արամ Սաֆարյանը: