Օտարերկրյա ներդրումներ բերելու համար պետք է ամրապնդել հարաբերությունները մեր միջազգային գործընկերների հետ, այլ ոչ թե կրճատել այդ հարաբերությունները եւ ավելի փչացնել։ Այս մասին NEWS.am-ի թղթակցի հետ զրույցում ասաց «Օրինաց երկիր» կուսակցության կողմից պատգամավորի թեկնածու առաջադրված Հեղինե Բիշարյանը։
Նրա խոսքով՝ դեկտեմբերի 6-ին Սանկտ Պետերբուրգում ՀԱՊԿ նիստի արդյունքում Հայաստանը պետք է կարգավորի իր հարաբերությունները գործընկեր երկրների հետ։ Անդրադառնալով անվտանգության ապահովման խնդրին՝ Բիշարյանը նշեց, որ այն այսօր առավել քան արդիական է․ «Մեր սահմանների պաշտպանությունը չպետք է դրված լինի 18-ամյա երիտասարդների ուսերին։ Պետք է վերանայել մոտեցումները եւ արդիականացնել բանակը»։
Նրա կարծիքով՝ երկրի առջեւ ծառացած մեկ այլ կարեւորագույն խնդիրներից է աշխատատեղերի ստեղծումը․ «Նույնիսկ 350 հազար աշխատողներ, որոնց մասին Նիկոլ Փաշինյանը խոսում էր, այնպիսի աշխատավարձ են ստանում, որ նրանց կարելի է գործազուրկ անվանել»,-նշում է պատգամավորի թեկնածուն։
Բիշարյանը հիշեցրեց, որ Ալավերդու պղնձամոլիբդենային կոմբինատի 600 աշխատողներ այսօր գործազուրկ են դարձել․ «Անհրաժեշտ է ստեղծել աշխատատեղեր աշխատանքի արժանապատիվ վարձատրությամբ, ոչ թե փակել եղածը»,-եզրափակեց նա։
