Նոյեմբերի 26-ին Արգենտինայի հայ համայնքը բողոքի ցույց է անցկացրել Թուրքիայի դեսպանի նստավայրի մոտ՝ բողոքելով Թուրքիայի նախագահ Ռեջեփ Թայիփ Էրդողանի այցի դեմ, ով առաջիկա օրերին կժամանի G20-ի նիստին մասնակցելու համար, հաղորդում է Prensa Armenia-ն:
Արգենտինայում հայկական կազմակերպությունների ներկայացուցիչ Էդուարդո Կոստանյանը բողոքի ակցիայի ժամանակ նշել է, որ Էրդողանը մի երկրի ղեկավար է, որը Հայոց ցեղասպանության ժխտման եւ չճանաչելու քաղաքականություն է վարում, իսկ Արգենտինան այն երկիրն է, որը ճանաչել է Ցեղասպանությունը:
Ցույցին մասնակցել է նաեւ Արգենտինայում եւ Չիլիում Հայ Առաքելական եկեղեցու հոգեւոր առաջնորդ, արքեպիսկոպոս Գիզակ Մուրադյանը:
Հանրահավաքի ընթացքում ներկաները անդրադարձել են նաեւ Թուրքիայում քրդերի խնդիրներին: