Ռուսաստանի ներկայացուցիչ Անդրեյ Շվեդովը Հավաքական անվտանգության պայմանագրի կազմակերպության Մշտական խորհրդին փոխանցել է ուկրաինական նավերի կողմից Ռուսաստանի տարածքային ջրային սահմանները խախտելու մասին տեղեկատվությունը։ Այս մասին հայտնել է ՀԱՊԿ մամուլի քարտուղարությունը՝ տեղեկացնում է ՏԱՍՍ-ը։
Խորհրդում նաեւ քննարկել են զանգվածային ոչնչացման զենքի չտարածումանը, որը բխում է ՄԱԿ ԱԽ 1540 բանաձեւից, փոխադարձ վստահության բարձրացման միջոցներին, անվտանգության գլոբալ կառույցի սատարմանը վերաբերող հարցեր։
ՀԱՊԿ Մշտական խորհրդի նիստը տեղի է ունեցել նոյեմբերի 27-ին։
Ռուսաստանի ԱԴԾ-ն հայտնում է, որ նոյեմբերի 25-ին՝ ժամը 19:00-ին, Ռուսաստանի Դաշնության սահմանը խախտած Ուկրաինայի ռազմածովային նավատորմի «Բերդյանսկ», «Նիկոպոլ» եւ «Յանի Կապու» նավերը, Ռուսաստանի Դաշնության տարածքային ծովում անօրինական գործողությունների հերթական փորձն են իրականացրել:
Ուկրաինայի ռազմական նավերին հարկադրաբար կանգնեցնելու համար ռուս սահմանապահները ստիպված են եղել զենք կիրառել: Արդյունքում Ռուսաստանի Դաշնության տարածքային ջրերում Ուկրաինայի ռազմածովային նավատորմի բոլոր երեք նավերը կանգնեցված են: Ուկրաինայի ԶՈՒ երեք վիրավոր զինծառայողներն բժշկական օգնություն է տրվել: Նրանց կյանքին վտանգ չի սպառնում:
Ռուսաստանի Դաշնության պետական սահմանի խախտման փաստով հարուցվել է քրեական գործ: