Եվրամիությունը եւ Իրանը հաստատել են Թեհրանի միջուկային ծրագրի հետ կապված Համատեղ համընդգրկուն գործողությունների պլանը պահպանելու իրենց հաստատակամությունը։ Այս մասին ԵՄ արտաքին հարաբերությունների ծառայության ղեկավար Ֆեդերիկա Մոգերինիի եւ Իրանի Իսլամական Հանրապետության Միջուկային էներգիայի կազմակերպության ղեկավար Ալի Աքբար Սալեհիի հանդիպման արդյունքում հայտարարել է ԵՄ ԱԳ ծառայությունը՝ տեղեկացնում է ՏԱՍՍ-ը։
«Նրանք կրկին հաստատել են ՀՀԳՊ-ի հետագա լիակատար եւ արդյունավետ իրականացմանն իրենց հավատարմությունը եւ ամփոփել են այս թեմայով վերջին իրադարձությունները։ Նրանք նաեւ հայտարարել են միջուկային համաձայնագիրը պահպանելու իրենց հաստատակամության մասին․․․ որպես եվրոպական եւ տարածաշրջանային անվտանգության կարեւոր հիմք»,- ասվում է հայտարարության մեջ։