Հայաստանը կարող է հպարտանալ մարդու իրավունքների պաշտպանի զարգացած ինստիտուտով: Այս մասին խոշտանգումների կանխարգելման հարցերով համաժողովում հայտարարեց Հայաստանում Եվրամիության պատվիրակության ղեկավար Պյոտր Սվիտալսկին:
Ըստ նրա, օմբուդսմենի ինստիտուտը հզորանում է եւ մեծ ազդեցություն ունի մարդու իրավունքների պաշտպանության գործում: «Մեր տեսանկյունից, Հայաստանում օմբուդսմենի ինստիտուտը լավ օրինակ է այլ երկրների համար: Հայաստանն առաջադեմ փորձ ունի, որով կարող է կիսվել գործընկերների հետ», - ասաց Սվիտալսկին:
Միաժամանակ նա ընդգծեց, որ նոր Հայաստանը պետք է զբաղվի մարդու իրավունքներով, դրանք վերաբերում են հասարակության իրական ներկայացուցիչներին:
Ընդ որում Սվիտալսկին հաստատեց համատեղ աշխատանքի համար իր պատրաստակամությունը: Նշելով բոլոր գործերի բացահայտման կարեւորությունը, այդ թվում մարտի 1-ի գործի, Սվիտալսկին կարեւորեց այն, որ կառավարությունը համաձայնել է ոստիկանական բաժիններում տեսախցկիների տեղադրում իրականացնել: