Լեհաստանը նախատեսում է 2033 թվականին կառուցել մի քանի ատոմային էլեկտրակայաններ: Այս մասին նոյեմբերի 29-ին հայտնում է գերմանական Märkische Oderzeitung թերթը: Մասնավորապես, երկրի պատմության մեջ առաջին ատոմային էլեկտրակայանը կարող է տեղակայվել Գդանսկի հյուսիս-արեւմուտքում գտնվող բնակավայրերից մեկում՝ Ժառնովեցում կամ Կոպալինոյում, հաղորդում է Deutsche Welle-ն:
Նախագծերը նախապատրաստվել էին նախորդ կառավարության ժամանակ: Սակայն դրանք չեն իրականացվել ֆինանսական պատճառներով, նշում է dpa գործակալությունը: Լեհաստանի ներկայիս կառավարությունը այդ նախագծերը դեռեւս վերջնականապես չի հաստատել, ընդգծում է Լեհաստանի PAP լրատվական գործակալությունը:
Ակտիվիստները պայքարում էին ատոմակայանի կառուցման դեմ`վկայակոչելով միջուկային էներգիայի հետ կապված ռիսկերը: Բացի այդ, տեղական պաշտոնյաները մտահոգություն են հայտնել տարածաշրջանում զբոսաշրջության վրա ատոմային էլեկտրակայանների հնարավոր ազդեցության հետ կապված: