News
Լրահոս
News
Երկուշաբթի
Հունվար 17
USD
481.49
EUR
550.01
RUB
6.3
Տեսնել լրահոսը


Առաջին անգամ երկար տարիների ընթացքում Հայաստանում խորհրդայնացման օրը՝ նոյեմբերի 29-ը միջադեպերով ուղեկցվեց: Հայաստանի կոմունիստները ստիպված էին բանվոր-գյուղացիական Կարմիր բանակի զոհված մարտիկների պատիվն ու հիշատակը Երեւանի փողոցներում կռվով պաշտպանել:

NEWS.am-ի թղթակիցը հաղորդում է, որ ըստ ավանդույթի մոտ 50 կոմունիստներ որոշել էին նշել Խորհրդայնացման օրը՝ 98-ամյակը: Այդ նշանավոր օրվա առիթով նրանք որոշել էին ծաղիկներ դնել Բաքվի կոմունայի նախագահի՝ Լենինի զինակցի՝ Ստեփան Շահումյանի հուշարձանին, որը Հանրապետության հրապարակից քիչ հեռու է գտնվում, ինչպես նաեւ Կարմիր բանակի մարտիկների երկու հուշահամալիրներին:

Սակայն հիշատակի միջոցառումները խաթարվեցին եվրոպական ինտեգրացիայի մասնակիցների կողմնակիցների հետ կռվով:

Միջոցառումները կազմակերպվել էին Հայաստանի Կոմունիստական կուսակցության կողմից, որի ակտիվիստներին միացել էին Հայաստանի առաջադեմ կոմունիստական կուսակցության եւ «Սոցիալիստական ուղի» կուսակցության ներկայացուցիչները եւ ղեկավարները:

Նրանք միասին ծաղիկներ դրեցին վերոնշյալ հուշարձաններին, որից հետո, որոշ ժամանակ անց նրանց կողքով Ոստիկանության աշխատակիցների ուղեկցությամբ անցան Հայաստանի եվրոպական ինտեգրացիայի կողմնակիցները՝ պաստառներով, որոնք կոչ էին անում հանրապետության տարածքից հանել 102-րդ ռազմական բազան:

Պաստառներին նաեւ նշված էր, որ Կարմիր բանակը «ոչ թե ազատագրել, այլ օկուպացրել է Հայաստանը»: Սա կոմունիստների զայրույթն առաջացրեց, որոնք հետեւեցին նրանց կողքով անցնող շարասյանը, որը ղեկավարում էր Եվրոպական կուակցության համանախագահ Տիգրան Խզմալյանը:

Խզմալյանը եւ նրա կողմնակիցները մոտեցան 11-րդ Կարմիր Բանակի մարտիկների  հուշահամալիրին: Խզմալյանը եւ նրա թիմը փորձեցին ելույթ ունենալ, սակայն այդ պահին կոմունիստներին քննադատող մտքեր հնչեցին եւ ծեծկռտուք սկսվեց: Իրավիճակն այնքան էր թեժացել, որ ոստիկանության աշխատակիցները ստիպված էին միջամտել: Նրանք ստիպված էին աշխատակիցներին մոտեցնել՝ արեւմտամետ փոքրաթիվ խմբին նրանց երկու անգամ գերազանցող կոմունիստներից պաշտպանելու համար: Արդյունքում կոմունիստներին հաջողվեց հակառակորդներին թույլ չտալ մոտենալ հուշարձանին, որը ըստ նախապես հայտարարված ծրագրերի, նրանք մտադիր էին «փակել»:

Արդյունքում Խզմալյանն իր կողմնակիցներին հավաքեց եւ երթը շարունակեց դեպի Երեւանում ռուսական դեսպանատուն: Նրանք փորձեցին դեսպանատան աշխատակիցներին բողոքի նոտայով նամակ փոխանցել՝ կապված «օկուպացիայի» տարելիցի հետ, սակայն նրանց հետ հանդիպելու համար ոչ ոք դուրս չեկավ: Դա քիչ էր, որոշ ժամանակ անց դեսպանատանը մոտեցան կոմունիստները, որոնք ոստիկանների հետ միասին նրանց ճանապարհը փակեցին: Մասնակիցների միջեւ բանավոր վեճ է սկսվել, որից հետո Խզմալյանը կրկին ստիպված էր զիջել: Նա եւ նրա կողմնակիցները հեռացան դեպի քաղաքապետարանի շենք, որտեղ նրան էր սպասում խորհրդային տարիների այլախոհ Պարույր Հայրիկյանը:

«Ուղիղ 98 տարի առաջ այս օրը այս փողոցով, որը նախկինում կոչվում էր Կարմիր բանակի, Հայաստան են մտել Ռուսական Կարմիր բանակի օկուպացիոն զորքերը, եւ մինչեւ հիմա Հայաստանը համարվում է օկուպացված երկիր»,- NEWS.am-ի թղթակցի հետ զրույցում ասաց Տիգրան Խզմալյանը: Նա նաեւ կարծիք հայտնեց, որ ռուսական 102-րդ ռազմաբազան պետք է Հայաստանի տարածքից հանել, իսկ հանրապետությունը պետք է մտնի ԵՄ-ի եւ ՆԱՏՕ-ի մեջ՝ ազատվելով «ռուսական օկուպացիայից»:

«Եթե մենք 1991 թվականի սեպտեմբերի 21-ին անկախության հանրաքվե ենք անցկացրել, եւ, ըստ էության, ընտրել ենք նոր արժեհամակարգ, ապա պետք է հրաժարվենք բացասական քարոզչությունից եւ անցյալի գովերգումից»,- հավելեց Հայրիկյանը:

Հայաստանի Կոմունիստական կուսակցության Կենտրոնական կոմիտեի առաջին քարտուղարի պաշտոնակատար Երջանիկ Ղազարյանն իր հերթին, պատասխանելով NEWS.am-ի հարցին, շեշտեց, որ Հայաստանում ռուսական 102-րդ ռազմաբազային այլընտրանք չկա եւ չի կարող լինել, քանի որ ՆԱՏՕ-ի ոչ մի երկիր երկիրը չի պաշտպանի նույն դաշինքի անդամ մեկ այլ երկրից՝ Թուրքիայից, որն այս կազմակերպության մեջ զինված ուժերի թվով երկրորդն է՝ զիջելով միայն ԱՄՆ-ին: «Նրանք ցանկանում են միայն ցանկացած գնով Հայաստանին Ռուսաստանից պոկել, որը մեր ռազմավարական դաշնակիցն է եւ եղբայրական երկիր է»,- նշեց Ղազարյանը՝ մեկնաբանելով քաղաքական հակառակորդների գործողությունները:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Երիտասարդները որոնվում են հարուցված քրեական գործի շրջանակներում
Նրանց ինքնության կամ գտնվելու վայրի մասին տեղեկություն ունեցողներին խնդրում ենք դիմել ոստիկանության Կենտրոնական կամ մոտակա բաժին...
Տանտիրուհին վերադարձել էր և տեսել, որ հեռուստացույցն ու կենցաղային իրերը չկան. գողությունը բացահայտվեց ժամերի ընթացքում
Գյումրի քաղաքի Նորավան թաղամասի մի տնից գողություն էր կատարվել...
Իր տան պատշգամբ մտած երիտասարդի վրա կրակած տղամարդուն դատարանն ազատ արձակելու որոշում կայացրեց
Գոռ Երեմյանը նկատելուց հետո ցատկել է պատշգամբից ու դիմել է փախուստի…
ՃՈ ուժեղացված ծառայություն մարզերում. հայտնաբերվել է 3898 խախտում
Անվտանգ ճանապարհային երթևեկություն ապահովելու նպատակով ՃՈ 2-րդ...
Տղամարդը ձերբակալվել է՝ համաքաղաքացուն ծանր մարմնական վնաս պատճառելու կասկածանքով
2022թ. հունվարի 17-ին Վարդենիս քաղաքի բնակիչը ինքնակամ ներկայացել է ՀՀ ոստիկանության Վարդենիսի բաժին…
Բացահայտվել է քողարկված ֆինանսական բուրգի գործունեությունը ՀՀ-ում. ինչու է ՔԿ-ն ձեռնպահ մնում հրապարակային բանավեճից
Օրերս ՀՀ քննչական կոմիտեն հայտարարություն էր տեղադրել «Onyxum» անվանմամբ ընկերության վերաբերյալ՝ նշելով, որ ընկերության գործունեությունը պարունակում է…
Ամենաշատ
Ֆոտոռեպորտաժներ