Անվտանգության ապահովման հարցերով G4S բրիտանական ընկերության վեց աշխատակիցներ զոհվել են Քաբուլում «Թալիբան» իսլամական շարժման հարձակման հետեւանքով՝ տեղեկացնում է Fox News-ը։

Զոհվածներից մեկը բրիտանացի է։

Գրոհը սկսվել է մահապարտի պայթյունով, ով պայթուցիկ նյութերով բեռնատար ավտոմեքենան կանգնեցրել է ընկերության գրասենյակի մոտ։ Այնուհետեւ սկսվել են կրակոցներ, որոնք շարունակվել են մի քանի ժամ։

Հարձակման հետեւանքով զոհվել է 32 մարդ, հինգը ծանր վիճակում են։ Բացի այդ, ընկերության տարածքում շենքեր են վնասվել։

Աֆղանստանի առողջապահության նախարարության ներկայացուցիչ Վախրիդ Մախրոջը հայտնել է, որ սպանվել են նաեւ չորս թալիբներ։

Իր հերթին «Թալիբանի» ներկայացուցիչ Զաբիխուլա Մուջախիդը հայտարարել է, որ հարձակման հետեւանքով զոհվել է 10 արտասահմանցի, սակայն իշխանությունները դա թաքցնում են։

«Թալիբանը» հայտարարել է, որ հարձակումը պատասխան էր Աֆղանստանի հարավային Գիլմենդ քաղաքում ԱՄՆ օդային հարձակմանը, որը տեղի էր ունեցել թալիբների հարձակումից մի քանի ժամ առաջ, եւ որի հետեւանքով 30 մարդ էր զոհվել։