ԱՄՆ նախագահ Դոնալդ Թրամփը պետքարտուղար Մայք Պոմպեոյի, անվտանգության հարցերով նախագահի խորհրդական Ջոն Բոլթոնի եւ Սպիտակ տան աշխատակազմի ղեկավար Ջոն Քելիի հետ խոսակցությունից հետո է որոշել հրաժարվել G20-ին ՌԴ նախագահ Պուտինի հետ հանդիպումից՝ տեղեկացնում է NBC News-ը։

Այս մասին հայտարարել է Սպիտակ տան մամուլի քարտուղար Սառա Սանդերսը։

Ավելի վաղ Թրամփը հայտարարել էր, որ հետաձգում է Պուտինի հետ հանդիպումը, որը պետք է կայանար Արգենտինայում G20-ի գագաթաժողովի շրջանակներում։

ԱՄՆ նախագահն ասել է, որ նման որոշման պատճառը Կերչի նեղուցի իրադարձություններն են։