WikiLeaks կայքը հայտարարել է նոր կանոններ սահմանելու մասին, համաձայն որոնց դատի կտան բոլոր նրանց, ովքեր ֆեյք լուրեր կստեղծեն եւ այդպիսով կվաստակեն, հայտնում է «ՌԻԱ Նովոստին»։
«Նոր կանոններ. WikiLeaks–ը պատրաստվում է իր կենտրոնական բիզնես–մոդել դարձնել դատի տալը նրանց, ովքեր ֆեյք լուրեր է ստեղծում, ինչպես Guardian–ն է։ Քանի որ հերյուրանքը ամենասպասված պատասխանն է WikiLeaks–ի հրապարակումների հզորության ու դիպուկությանը, համաձայն մեր վերլուծության դա եկամտի կայուն եւ ընդլայնվող աղբյուր է»,–ասված է WikiLeaks–ի թվիթերյան հայտարարությունում։
Երեքշաբթի WikiLeaks–ի կայքը հայտարարել էր, որ գործարկել է միջոցների հավաքագրման արշավ բրիտանական Guardian–ին դատի տալու համար այն հրապարակման համար, որտեղ խոսվում է Դոնալդ Թրամփի նախընտրական շտաբի նախկին ղեկավար Փոլ Մանֆորտի եւ Ջուլիան Ասանժի գաղտնի հանդիպումների մասին։
Կայքը արշավը գործարկել է «WikiLeaks–ը դատի է տալիս Guardian–ին Մանֆորտի մասին պատմության համար» GoFundMe միջոցների հավաքագրման հարթակում։ Այս պահին նախատեսված 300 հազար դոլարից հավաքվել է 36 հազար դոլարը։