Անկախության բոլոր փուլերում Ռուսաստանը եւ Հայաստանը միմյանց աջակցել են: Երեւանում Լազարյան ակումբի առաջին նիստում ելույթ ունենալով՝ այս մասին հայտարարեց Պետդումայի ԱՊՀ գործերով հանձնաժողովի նախագահի առաջին տեղակալ Կոնստանտին Զատուլինը:
«ԱՊՀ-ում, ՀԱՊԿ-ում, ԵՏՄ-ում եւ այլ կազմակերպություններում: Մենք շատ շահագրգռված ենք նաեւ այն պատճառով, որ Հայաստանում շատ կարեւոր ներքին գործընթացներ են կատարվում, որպեսզի բոլոր ոլորտներում կենդանի շփումը չդադարի», - ասաց Զատուլինը: Նա հավելեց, որ քանի որ առաջիկայում Հայաստանում խորհրդարանական ընտրություններ են սպասվում, հանդիպման կազմակերպիչները փորձել են չներառել հարցեր, որոնք կապված են ներքին գործընթացների հետ՝ ուշադրությունը կենտրոնացնելով մշտական արժեքների վրա՝ անվտանգ սահմանների պայմաններում մեր ժողովուրդների խաղաղ կյանքին եւ երկու ազգերի շահերի պաշտպանությանը:
Ըստ Զատուլինի, այս առումով առաջարկներ կային հանդիպում չանցկացնելու մասին: «Մենք սիրում ենք Հայաստանը անկախ նրանից, թե ովքեր են նախագահներն ու իշխանությունները: Ինչքան էլ խոսենք Հայաստանի եւ Ռուսաստանի միջեւ պատմական հարաբերությունների մասին, քիչ կլինի», - ընդգծեց Զատուլինը:
Նիստին հրավիրված են Հայաստանի ղեկավարները, Հայաստանի եւ Արցախի նախկին նախագահները, Արցախի ներկայիս նախագահը:
«Հարգանքով ենք վերաբերում այն հանգամանքներին, որոնց պատճառով շատերը չեն կարողացել գալ», - ասաց Զատուլինը: