ԵՄ-ն փոփոխություններ է պատրաստում ՌԴ-ի դեմ պատժամիջոցներում՝ կապված Ուկրաինայի ինքնիշխանության խախտման հետ, համապատասխան աշխատանքային փաստաթղթերը հրապարակվել են եվրաինստիտուտների տվյալների բազայում, փոխանցում է «ՌԻԱ Նովոստի»-ն:
Ավելի վաղ ԵՄ կառույցներում աղբյուրը լրագրողներին ասել էր, որ ԵՄ-ն որպես նոյեմբերի 11-ին Դոնբասում անցկացված ընտրություններին արձագանք կարող է ընդլայնել պատժամիջոցային ցանկը:
ԵՄ փաստաթղթերի բազայում, որոնք մշակման փուլում են, հնարավոր նոր պատժամիջոցների մասին 2 հիշատակում է հայտնվել, իսկ փաստաթղթերին հասանելիությունը փակ է:
Դրանից բացի, նոյեմբերին կայացած ԱԳ նախարարների հանդիպումից հետո ԵՄ միջազգային հարցերով խորհրդականների խմբի օրակարգում առաջին անգամ հայտնվել է «Ուկրաինայի ինքնիշխանության խախտում. Խորհրդի որոշման նախագիծ եւ կարգավորման իրականացում» կետը, ինչը վկայում է հնարավոր սահմանափակման միջոցների մշակման մասին: