Ի տարբերություն մեզ, որ իրականացնում ենք մեր մտահոգությունները, մեր ծրագրերը, մեր իշխանությունները գնում են ոչ թե ծրագրեր ներկայացնելու, այլ գնում են ասֆալտին փռելու, վզներից բռնելու եւ մարդկանց ահաբեկելու ճանապարհով: Այս մասին, այսօր՝ նոյեմբերի 30-ին, Faceboook-ի իր էջի ուղիղ եթերում հայտարարել է ԱԺ փոխնախագահ, խորհրդարանական ընտրություններին ՀՀԿ ցուցակի 6-րդ հորիզոնականը զբաղեցնող Էդուարդ Շարմազանովը:
Նա, անդրադառնալով վարչապետի պաշտոնակատար Նիկոլ Փաշինյանի վերջին ելույթներին՝ նշեց. «Եկավ Սպիտակ, ասֆալտին փռեց, գոռգոռաց գնաց: Գնաց Ալավերդի, ստերի շարան: Ասում է՝ պղնձաձուլարանի աշխատողները կաշխատեն Թեղուտի հանքավայրում: Այ ախպեր ջան, դու պղնձաձուլարանի եւ հանքավայրի աշխատողների մասնագիտական գործունեության տարբերությունը հասկանո՞ւմ ես գոնե: Ինչից չես հասկանում, մի խոսա: Պղնձաձուլարանի պլավիլշչիկը հանքում ի՞նչ է անելու, ո՞նց է աշխատելու: Ոնց որ տաքսու վարորդին ասես՝ սամալյոտի պիլոտ ես լինելու: Դա նույնն է, որ ատամնաբույժը մարզպետ աշխատի: Չնայած, դա ձեզ մոտ ադաթ ա»:
