Հիամ ոմանք ասում են՝ Հայաստանում ինչ է փոխվել, որ. Հայաստանում այն է փոխվել, որ ծակերն եք մտել ու չեք կարողանում դուրս գալ. ու դուրս չեք գալու, մինչեւ քավարանի միջով չանցնեք ու նորմալ քաղաքացի չդառնաք, մեղքերը չքավեք: Այս մասին, այսօր՝ նոյեմբերի 30-ին, Եղվարդ քաղաքի հրապարակում բնակիչների հետ հանդիպման ժամանակ նշեց վարչապետի պաշտոնակատար, «Իմ քայլը» դաշինքի ցուցակը գլխավորող Նիկոլ Փաշինյանը:
Նա նշեց, որ այսօր Հայաստանը ժպտացող երկիր է ժպտացող քաղաքացիով եւ այդ ժպիտը ամենակարեւոր արժեքն է, որ մենք ձեռք ենք բերել, որը չպետք է կորցնենք:
«Մենք ժպիտով կարողացել ենք կազմալուծել կոռումպացված համակարգը: Մենք ժպիտով պետք է կառուցենք ազատ ու երջանիկ Հայաստանը, որովհետեւ նամռոտ դեմքերով ազատ ու երջանիկ Հայաստան չես կարող կառուցել: Հենա մեկը կար նամռոտ դեմքով, տեսանք ինչ էր կառուցում»,-նշեց Փաշինյանը: