Կանադայում հայտնաբերվել է ցուլ, որի հասակը ավելի բարձր է, քան Ավստրալիայի՝ համացանցի շնորհիվ հայտնի դարձած Նիկերսիզ անունով ցլինը։ Դոզեր անունով ցուլն ապրում է Վիննիպեգ քաղաքում՝ տեղեկացնում է Daily Mail-ը։
Նիկերսի հասակը վզի մասում 194 սանտիմետրի է հասնում, իսկ Դոզերինը՝ 196 սանտիմետրի։ Նրանք երկուսն էլ գոլշտինո-ֆրիզ տեսակին են պատկանում եւ մեծացել են ֆերմայում։
6-ամյա Դոզերի տերը՝ Կառլ Շենրոկը, ով կենդանիների ապաստարան ունի, ասում է, որ չնայած չափսերին՝ ցուլը շատ բարի է։
Այնուամենայնիվ, Գինեսի ռեկորդների գրքում ներառված ամենամեծ ցուլն աշխարհում Իտալիայում ապրող Բելինոն է, որի հասակը 203 սմ է։