«Կատալոնյան գործով» երկու մեղադրյալները՝ «Կատալոնյան ազգային ասամբլեա» ՀԿ-ի նախկին նախագահ Ժորդի Սանչեսը եւ Կառլես Պուչդեմոնի կառավարության նախկին անդամ Ժորդի Տուրուլը հայտարարել են հացադուլ սկսելու մասին՝ տեղեկացնում է ANC-ը։
Հացադուլի պատճառն, ինչպես ասվում է Սանչեսի եւ Տուրուլի նամակում, իրենց սահմանադրական իրավունքի խախտման դեմ Սահմանադրական դատարանին ուղղված բողոքների մերժումն է։ Նրանց կարծիքով՝ այդ կերպ ՍԴ-ն խոչընդոտում է Ստրասբուրգի դատարան դիմելու իրենց մտադրությունը։
OmniumCultural ՀԿ-ն, որ պայքարում է Կատալոնիայի անկախության համար շաբաթ օրը տարածել է անօրինական հանրաքվե անցկացնելու մեջ մեղադրվող եւ այժմ Լյեդոներս բանտում ազատազրկման մեջ գտնվող յոթ քաղաքական գործիչների լուսանկարները։
Կատալոնյան գեներալիտետի ղեկավար Կիմ Տորան, իր աջակցությունը հայտնելով հացադուլ հայտարարած քաղաքական գործիչներին, իսպանական իշխանություններին մեղադրել է այն բանում, որ նրանք «քրեական իրավունքը որպես վրեժ» են օգտագործում։
Սանչեսը մեկ տարուց ավելի է նախնական կալանքի տակ, իսկ Տուրուլը՝ ութ ամիս։