Հոկտեմբերին Հայաստանում բնակարանների առուվաճառքի քանակն աճել է տարեկան կտրվածքով 94 միավորով կամ 6,2%-ով: Եթե այս տվյալները բաշխենք ըստ մայրաքաղաքի և մարզերի, ապա Երևանում մեկ տարվա ընթացքում բնակարանների առուվաճառքը կրճատվել է 16 միավորով (կամ 1,5%-ով): Իսկ մարզերում գրանվել է աճ 110 միավորով (25,6%):
Չնայած դրան՝ մայրաքաղաքի բնակարանային շուկան մի շարք այլ ցուցանիշներով գերազանցում է մարզերին: Օրինակ՝ հոկտեմբերին բոլոր բնակարանների վաճառքի մեկ երրորդից ավելին կատարվել է Երևանում: Նշենք, որ հանրապետության բնակարանային ֆոնդի կեսից ավելին Երևանում է (համաձայն ընթացիկ տարվա սկզբի՝ գրեթե 53%-ը):
Բացի այդ, մեր «մեգապոլիսում» լայն տարածում ունի ներքաղաքային անվերադարձ «միգրացիան»՝ այլ կերպ ասած՝ քաղաքի սահմաններում բնակության վայրի փոփոխությունը: Սպառողական պահանջարկի վրա դրական ազդեցություն նաև ունի պետության աջակցությունը քաղաքացիներին՝ մայրաքաղաքում հիփոթեքով բնակարաններ ձեռքբերելու դեպքում:
Իսկ կայուն գնաճը հակառակ ազդեցությունն է թողնում բնակարան վաճառողների և գնորդների մտադրությունների վրա: Մի շարք սեփականատերեր, որանք ցանկանում են վաճառել իրենց բնակարաններն առավելագույն գնով, շտապողականություն չեն ցուցաբերում: Գնորդները, հակառակը, ձգտում են ձեռք բերել անշարժ գույքը նախքան հերթական թանկացումները:
Երևանյան բրոքերներից մեկը պատմել է հետաքրքրաշարժ, բայց և մեր իրականության համար ոչ հազվադեպ մի պատմություն: Բնակարանի մի սեփականատեր տարեսկզբին վաճառել էր իր բնակարանը: Ներկայումս այդ բնակարանն ավելի թանկ արժե, և արդեն նախկին սեփականատերը ափսոսել է այդ գործարքում շտապելու համար:
Բացի այդ, գների մշտական աճը կամ գոնե կայությունը ավելացնում են անշարժ գույքի մեջ ներդրումների գրավչությունը նրանց համար, ովքեր ունեն բավականաչափ ֆինանսական կապիտալ և չեն կիրառում այն: Ակցիաների շուկան փաստացի բացակայում է, արտարժույթով ներդրումների տոկոսները համեմատաբար ցածր են: Լուծումը շատ պարզ է. գնել բնակարան և այնուհետև այն հանձնել վարձակալության: Հավելենք, որ ընթացիկ տարվա հունվարից մինչև սեպտեմբեր մեկ միլիոնից ավել արտերկյա զբոսաշրջիկներ տեղ էին գտել բարեկամերի տներում, ինչպես նաև վարձակալած բնակարաններում:
Ներքոնշյալ աղյուսակում երևում են ընթացիկ տարվա հունիսից հոկտեմբեր ընկած ժամանակահատվածում բնակարանների 1քմ մակերեսի համար հաստատված միջին շուկայական գներն ըստ Երևանի վարչական շրջանների: Այս հաշվարկների հիմքում ընկած են պաշտոնական ցուցանիշները (որոնք ներկայացված են դրամով) յուրաքանչյուր ամսվա կտրվածքով ըստ ԱՄՆ դոլարի կուրսի:
ԱՄՆ դոլարը նշված ժամանակահատվածում ամրապնդվել է ընդամենը 1,2 դրամով (կամ 0,5%-ով), այդ պատճառով դրա ազդեցությունը դրամով գների վրա աննշան էր: Հայտնի է, որ անշարժ գույքի առուվաճառքի գործարքների մեծամասնությունը և փաստաթղթերի ձևակերպումը կատարվում է դրամով:
Չնայած մայրաքաղաքի բնակարանային ֆոնդի տեսակարար կռիշը պատկանում է Կենտրոն համայնքին՝ հասնելով 14%-ի, առուվաճառքի գործարքների ժամանակ դրա մասնաբաժինը հասնում էր գրեթե 20%-ի: Վերջին հինգ ամիսների ընթացքում բնակարանների 1քմ-ի շուկայական արժեքն ավելացել է 58$-ով, որը մայրաքաղաքի բոլոր շրջանների համար ռեկորդային ցուցանիշ է: