Այս ընտրություններից հետո ակտիվ քաղաքական կյանքը ոչ թե վերջանում է, այլ ճիշտ հակառակը` սկսվում է և այն շարունակվելու է ոչ թե պառլամենտում, այլ պառլամենտից դուրս, քանի որ այս խորհրդարանը հեղափոխության առումով օպորտինաստական է լինելու. գրել է քաղաքագետ Ստեփան Դանիելյանը ֆեյսբուքի իր էջում՝ ներկայացնելով մի օրակարգ՝ որով, ըստ նրա, հնարավոր կլինի իշխանափոխությունը վերածել իրական հեղափոխության.
«Հիմնական քաղաքական դիսկուրսը լինելու է իշխանափոխությունը իրական հեղափոխության վերածելը:
Հեղափոխությունները սկսվում են կաբինետներից ու շարունակվում փողոցում: "Կաբինետային" բաղադրիչը չի իրականացվում, այսինքն իշխանության են գալիս հեղափոխության օպորտունիստները և իրական հեղափոխության շարունակության դրոշը բարձրացնելու խնդիր է առաջացել: Դա է ապագա քաղաքական գործընթացների պարադիգման:
Իսկ որն է իրական հեղափոխության օրակարգը:
- Սահմանադրության փոփոխությունը` նախագահի լիազորությունների ավելացում վարչապետին հակակշիռներ ստեղծելու համար:
- Խորհրդարանի դերի բարձրացում` նախարարների ու դասպանների նշանակումների պարտադիր վավերացումը խորհրդարանի կողմից:
- ԱԱԾ -ի և Ոստիկանության նախարարությունների վերածելը, որպեսզի հաշվետու լինեն խորհրդարանին:
- Դատական համակարգի ռեֆորմներ, գուցե հանրաքվեի միջոցով դատավորական կորպուսի արմատական փոփոխության հնարավորության ստեղծում:
- Բազմաչարչար Ընտրական Օրենսգրքի փոփոխություն` ռեյտինգային համակարգի վերացմամբ և օրենսգրքի պարզեցմամբ:
- Կուսակցությունների մասին նոր օրենքի ընդունում` պարտադիր վերագրացմամբ, ներկուսակցական ժողովրդավարության հաստատմամբ և կուսակցության մեջ ավտորիտար կառավարման հնարավորության բացառմամբ:
- Ուղիղ ժողերդավարության մեխանիզմների հաստատում; Այս կետն ավելի մանրամասն է պետք ներկայացնել, դա հետո:
Ցուցակը չեմ շարունակում ձեր համբերությոինը չչարաշայելու համար:
Հիմնականում այն կետերն են, որից ՔՊ-ն հրաժարվել է, այսինքը հեղափոխության օրակարգը չի կատարվում»,- ասված է նրա գրառման մեջ:
