Կատարի էներգետիկայի հարցերով պետական նախարար Սաադ բեն Շրիդա ալ Քաաբին կարծում է, որ մեկ բարել նավթի 70-80 դոլար գինը ընդունելի է արտադրողների եւ սպառողների համար, փոխանցում է «ՌԻԱ Նովոստի»-ն:
«Ես կարծում եմ, որ մեկ բարել նավթի 70-80 դոլար գինը արդարացի է ե՛ւ արտադրողների, ե՛ւ սպառողների համար: 70 դոլարից ցածր գինը հարվածում է էներգետիկ ոլորտում ներդրումներ կատարելու պետությունների եւ արտադրողների հնարավորություններին»,- երկուշաբթի մամուլի ասուլիսում ասել է ալ Քաաբին:
Մինչ այս նա հայտարարել էր, որ 57 տարի ՕՊԵԿ-ին անդամակցած Կատարը, 2019 թվականի հունվարի 1-ից այս կազմակերպությունը կլքի նավթի արդյունահանման փոքր ծավալների եւ գազի արդյունահանման ու հեղուկ բնական գազի արտադրությունն ընդլայնելու ցանկության պատճառով:
