Առաքելության գլխավոր շտաբի պետ Սլոբոդա Ե.-ն հանդիպել է ԵԱՀԿ/ԺՀՄԻԳ առաքելության ղեկավար Գաչեկ Ու.-ի հետ: Հանդիպման ընթացքում կողմերը քննարկել են քարոզարշավի ընթացքը: Պայմանավորվածություն է ձեռք բերվել աշխատանքային շփումների, ինչպես նաեւ քվեարկության օրը ԱՊՀ եւ ԵԱՀԿ/ԺՀՄԻԳ առաքելությունների ղեկավարների հանդիպման վերաբերյալ: Այս մասին NEWS.am-ին հայտնել են ԱՊՀ դիտորդական առաքելության շտաբի մամուլի ծառայությունից:
Հայաստանի Հանրապետության Ազգային ժողովի արտահերթ ընտրությունների նախապատրաստման մոնիթորինգի շրջանակներում ԱՊՀ-ից երկարաժամկետ դիտորդներն այցելել են Կոտայքի, Արմավիրի, Արագածոտնի մարզերի եւ Երեւան քաղաքի ընտրական տեղամասերը:
Հանձնաժողովներին այցելելիս դիտորդներին հնարավորություն է տրվել ծանոթանալ նրանց աշխատանքին եւ նախընտրական քարոզչության վերաբերյալ տեղեկատվություն ստանալ:
Հայաստանի Հանրապետության հեռուստատեսության եւ ռադիոյի ազգային հանձնաժողովում հանդիպման ժամանակ ԱՊՀ-ից երկարաժամկետ դիտորդներին տեղեկացրել են 39 հեռուստա եւ ռադիոընկերությունների կողմից ընտրությունների քարոզարշավի լուսաբանման մոնիթորինգի ընթացակարգի մասին:
Համագործակցության դիտորդները հանդիպում են ունեցել ՀՀ գլխավոր դատախազության ղեկավարության հետ, որի ընթացքում տեղեկացվել են օրինականության իրավիճակի եւ նախընտրական քարոզչության ժամանակ գլխավոր դատախազության կողմից իրականացվող աշխատանքների մասին:
Առաքելության անդամները նաեւ «Բարգավաճ Հայաստան» կուսակցության ընտրական շտաբի ղեկավարության հետ քննարկել են ընտրական գործընթացը:
