Խորհրդարանի փոխխոսնակ Էդուարդ Շարմազանովը չպետք է կոռեկտության սահմաններից դուրս գա: Դեկտեմբերի 4-ին ԱԺ-ում լրագրողների հետ զրույցում այս մասին հայտարարեց «Ելք» դաշինքից պատգամավոր, «Իմ քայլը» դաշինքից պատգամավորի թեկնածու Ալեն Սիմոնյանը`մեկնաբանելով Էդուարդ Շարմազանովի այն հայտարարությունը, որ ներկայիս իշխանությունները սկսել են ձերբակալությունների նոր շարք, քանի որ նրանց մեղքով երկիրը կորցրեց ՀԱՊԿ գլխավոր քարտուղարի պաշտոնը:
Պատգամավորը մասնավորապես, Շարմազանովին կոչ արեց մեծ հարգանքով վերաբերվել վարչապետի պաշտոնակատար Նիկոլ Փաշինյանին:
«Ես ուզում եմ միայն մեկ բան խորհուրդ տալ Էդուարդ Շարմազանովին, որ նա կոռեկտ մնա, քանի որ եթե նա շարունակի նույն ոգով եւ դուրս գա կոռեկտությհան սահմաններից, ապա անձամբ ինձանից համապատասխան պատասխան կստանա: Կոչ եմ անում նրան մնալ կոռեկտության սահմաններում եւ փոխել խոսելաձեւը, հատկապես, երբ խոսքը վերաբերում է երկրի վարչապետին», - ասաց Սիմոնյանը` չնշելով, թե արդյոք չարժե, որ նույնն անի Փաշինյանը:
