Մեծ Բրիտանիայի վարչապետ Թերեզա Մեյը Brexit-ի գործարքի հարցով բրիտանացի օրենսդիրների կողմից անհաջող քվեարկության դեպքում կարող է զրկվել իր աթոռից: Այս մասին գրում է The New York Times-ը: Դեկտեմբերի 11-ին խորհրդարանում տեղի կունենա Եվրամիությունից (ԵՄ) Բրիտանիայի դուրս գալու վերաբերյալ քվեարկությունը:
Բրիտանիայի խորհրդարանում հնարավոր քաղաքական ճգնաժամի պատճառով խուճապ եւ անհանգստություն է սկսվել: Ճգնաժամն, ըստ վերլուծաբանների, կարող է սկսվել, եթե Մեյը չկարողանա պատգամավորներին համոզել քվեարկել ԵՄ հետ գործարքի մասին իր ծրագրի օգտին: Եվ այժմ հարցը կապված է ոչ թե նրանում կորուստ կկրի արդյոք Մեյը, այլ կորուստների չափերի հետ, գրում է թերթը:
NYT-ն գրում է, որ եթե Մեյը պարտվի դեկտեմբերյան քվեարկությունում, դա կարեւորագույն պահ կդառնա ինչպես Մեյի, այնպես էլ երկրի համար: Կործանարար պարտությունը կարող է վարչապետին դրդել հրաժարվել իր քաղաքական գործարքից: Դրանից հետո նա կարող է նաեւ իշխանության համար կատաղի պայքարի հետ բախվել, որը կարող է նրա համար Դաունինգ սթրիթի աթոռի կորստով ավարտվել:
